-U tha në Opinion

“Isuf Kalo e zhvesh Enver Hoxhën nga përgjegjësitë e diktaturës”


               Publikuar në : 22:42 - 16/09/19 |
geliano fataj

Për gazetarin Mentor Kikia, profesor doktor Isuf Kalo në librin e tij “Blloku, mjeku personal i Enver Hoxhës”, tregon se ka një lloj afeksioni për familjen e ish-diktatorit.

Në emisionin Opinion, zoti Kikia deklaroi se ky nuk është libër historik, por një libër me kujtime.

“Duhet të kemi parasysh një gjë. Ky nuk është një libër historik dhe ne nuk mund t’i kërkojmë doktor Kalos të na shkruajnë historinë e komunizmit tani. Ai ka shkruar një libër me kujtime, ku pjesa më e madhe e librit janë perceptime personale, ku ai nuk i shpëton emocioneve, afeksionit që ka për familjen e diktatorit. Ne nuk mund ta fajësojmë atë sot, përse ti ke afeksion për Enver Hoxhën. Ajo që shfaqet në libër, është që doktori ende reflekton një lloj kënaqësie që ka shërbyer në familjen e diktatorit. Parë në këtë këndvështrim, doktori ka përgjegjësi që në momentin kur mori lapsin të shkruajë një libër, do të duhet t’i thotë disa të vërteta, përderisa është një person publik dhe po merr përsipër të shkruajë një libër që do të lexohet nga x njerëz”, tha gazetari.

Livestream Opinion 16 Shtator 2019

Posted by Tvklan on Monday, 16 September 2019

Kikia tha se ajo që e bën shqetësues këtë libër është fakti që Kalo e zhvesh Enver Hoxhën nga përgjegjësitë e diktaturës.

“Përgjegjësia e tij është kur fillon që në emër të afeksionit që ka për familjen e diktatorit, fillon dhe zhvesh nga përgjegjësitë për të gjithë diktaturën Enver Hoxhën. Dhe këtu ose duhet të kesh prova shumë të mëdha dhe të hedhësh poshtë të tërë historinë që dimë ne ose të jesh i verbër”./ Opinion.al

Pas