Për Beyoncen shtatzënia e saj e papritur me binjakët Sir dhe Rumi ndryshoi krejtësisht trupin e saj, por edhe planet për festivalin e “Coachella”-s në 2017-n.
Beyonce tregoi se fakti që ishin binjakë ishte akoma më surprizues për të dhe Jay Z.
“Ajo shtatzëni nuk ishte e lehtë. Trupi im kaloi më shumë gjëra sesa do të kisha menduar se mund të përballonte. Isha 98 kg ditën që linda. Kisha një shtatzëni shumë të vështirë. E kisha shumë të lartë presionin e gjakut. Në mitër zemra e një prej foshnjave të mia ndaloi disa herë dhe më futën menjëherë në operacion”, kujton Beyonce.
Këngëtarja e famshme ka zbuluar vështirësitë në dokumentarin “Homecoming”, ndërsa tregoi dhe dietën strikte që ndoqi për t’u dukur e përsosur në skenën e “Coachella”-s.
“Në mënyrë që t’i arrija qëllimet e mia, e limitova veten në një dietë pa bukë, pa karbohidrate e pa sheqer, pa mish, pa peshk e pa alkool… isha e uritur. Nuk ishte si dikur që mund të bëja prova deri në 15-të orë në ditë. Vetëm që të kuptoja si të balancoja jetën e të qenit nënë e një 6-vjecareje dhe binjakëve, kishte shumë punë. Tani kam fëmijë, kam bashkëshort, duhet të kujdesem për trupin tim”, tha këngëtarja./Opinion.al
