Ish-kryeministri Sali Berisha menjëherë pas fjalës së kryeministrit Edi Rama, ka lëshuar akuza të forta drejt tij dhe drejtuesve të policisë. Berisha e ka quajtur Ramën “Koka e Meduzës” me arsyen se ai është përkrahës i bandave kriminale. Nga foltorja e Kuvendit, ai tha se nuk ka ndodhur kurrë që në një natë të godasin bandat në të paktën në tre qytete, si: Elbasani, Lezha dhe Tirana.
“Nuk kam ndërmend të citoj burimet e pafundme ndëkombëtare të cilat u cituan nga kolegët, por do të ndalem vetëm në materien e kësaj toke, vetëm në të dhënat për tu faktuar shqiptareve se Edvin, është kapo i meduzës, është nëna e nënave të krimit në këtë vend. Se Edvin ka instaluar këtu atë që një ekspert do ta quante narko shtetin, shtetin e drogë. Kurrë ndonjëherë nuk ka ndodhur që në një javë narko bandat të godasin policinë e shtetit, në Elbasan, Bathore, Lezhë, por narko bandat janë me fletë se kanë me vet më të madhin. Noriegën kreun e meduzës dhe të krimit të organizuar. Po pse mendoni ju se Hakiu i ka çelësat e rendit në Shqipëri. Hakiu ka çelësat e hashashit dhe drogës. A nuk është Edi Rama që mbushi parlamentin me vrasës, përdhu nues, apo jo. A nuk është Edi Rama që përcolli Arbën Frokun jashtë që nxorri jashtëtë një ditë pas dënimit të përjetshëm”, tha Berisha.
Ish-kryeministri theksoi se nuk ka arsye të merremi me krimin, pasi krimi është kreu i meduzës, pasi Edi Rama është koka e krimit.
Sipas tij, në celularin e Ramës, ka 10-tra mesazhe nga vrasës dhe killera.
