Drejtori i Drejtorisë Vendore të Policisë Fier ka pezulluar nga puna 3 punonjës policie, të cilët shoqëruan ditën e sotme në gjykatë 36-vjeçari e dyshuar për dhunë dhe përdhunimë të gjyshes së tij.
Bëhet me dije se gazetarët dhe i dyshuari kanë komunikuar me njëri-tjetrin brenda automjetit të Policisë
Në njoftimin zyrtar theksohet gjithashtu se ky pezullim nga detyra ka ardhur me preteksin se një veprim i tillë nga ana e efektivëve është në kundërshtim me procedurat standarde të punës.
Njoftimi i policisë:
Gjatë paradites së sotme, Patrulla e Përgjithshme e Policisë së Komisariatit Lushnjë ka shoqëruar për masë sigurie në Gjykatë, shtetasin S. M., 36 vjeç, i cili dy ditë më parë dyshohet se ka dhunuar dhe ka kryer marrëdhënie seksuale me dhunë me gjyshen e tij.
Në përfundim të marrjes së masës së sigurisë, punonjësit e Policisë që ishin të planëzuar me shërbim për shoqërimin e 36-vjeçarit, në kundërshtim me procedurat standarde të punës, duke shpërdoruar detyrën kanë lejuar qytetarë e gazetarë të bisedonin dhe ta pyesnin shtetasin e ndaluar brenda automjetit të Policisë.
Në lidhje me këtë shkelje, Drejtori i Drejtorisë Vendore të Policisë Fier ka bërë pezullimin e menjëhershëm nga detyra të punonjësve T. K., F. G. dhe G. Ç., për shkeljen e kryer.
Ndërkohë, Drejtoria e Standardeve Profesionale në Drejtorinë e Përgjithshme të Policisë së Shtetit ka nisur menjëherë hetimin disiplinor ndaj këtyre punonjësve, për shkelje të rëndë./Opinion.al
