Prokurori Federal i Belgjikës, Frederic Van Leeuw ka folur në intervistën e tij dhënë për emisionin Opinion në lidhje me krimin kibernetik, që realisht në Shqipëri ende është i panjohur.
Sipas Leeuw, kemi të bejmë me një botë që është rritur me një shpejtësi të jashtëzakonshme dhe zhvillimi i teknologjisë është normale.
Ai tha se prej vitit 2006-2007 të gjithë shëtisin me iphone apo smartphone në dorë.
“Nëpërmjet këtyre mënyrave të reja të komunikimit, një person ka mundësinë të dëmtojë një person tjetër shumë larg, pa qenë nevojë të ketë kontakt me të. Përball këtij globalizimi që është pozitiv përsa i përket komunikimit, një person apo një grup kriminal gjen mënyrën dhe rastin për fituar para apo të ketë qëllime të tjera”, tha ai.
Kryeprokurori belg theksoi se është një krim në rritje, është një krim mjaft i rrezikshëm sepse falë kompjuterëve apo mënyrave të mësipërme siguria nuk është në nivelet më të larta për të luftuar këtë krim.
