Sali Berisha ka folur në një intervistë të gjatë për Mimoza Koçiun në ABC News për idenë e ligjit të armëve, qeverinë Rama dhe opozitën. Ai ka rrëfyer disa detaje të pathëna nga 97-ta. Po ashtu thotë se po të ishte për të personalisht, Rama duhet rrëzuar nga pushteti me demonstrata.
PYETJE: Z.Berisha që pas thirrjes që keni bërë në një transmetim të dpd tv për armatosje. Po ju citoj: “Ju bëj thirrje qytetarëve shqiptarëve që për sigurinë e tyre të armatosen, të sigurojnë armë, për të mbrojtur veten, vatrat, pasuritë e tyre, sepse nuk kanë asnjë siguri.”… Të armatosen, sepse armatosen amerikanët, armatosen të gjithë qytetarët që duan të mbrojnë veten e tyre dhe me urgjencë të sjellim ligjin. T’u japim të drejtë qytetarëve të mbajnë armë.” Kjo thirrje që u interpretua si në kufijtë e shkeljes kushtetuese, ju e kishit paramenduar apo ishte spontane meqë po flisnit për Shullazin dhe efektet e denoncimit tuaj publik në media?
BERISHA: Gjëja e fundit që unë bëj kur flas është të flas spontanisht. Para se të shkoj në parlament, unë parapërgatitem, kurse si ide, kjo është e para disa muajve, që e përpunoj me veten time sepse unë gjykoj se sot asnjeri, përvec atyre që kanë roje, shumë roje, nuk ndihet më i sigurtë në një kohë kur bandat dhe qeveria janë bërë një.
Vijmë tek thirrja ime. Thirrja ime vjen në një vend që u njeh të drejtën e armëve, të drejtën për të bërë kërkesë për armatosje qytetarëve edhe mbi bazën e kërcënimit personal. Cfarë do thotë kjo. Kjo do thotë se qytetari shqiptar merr armë për vetëmbrojtje. Ligji i njeh të drejtën për të marrë armë për vetëmbrojtje. Pse kjo oshëtimë? U ndeshën me këtë rast dhe unë c’është e vërteta nuk parashikoja të kishte këtë efekt të mrekullueshëm që pati kjo deklaratë e imja.
Them të mrekullueshëm sepse nxori, u hoqi maskën kundërshtarëve. Tregoi se kundërshtarët e mi ndajnë në këtë problem psikologjinë totale të etërve të tyre,të frikës së tmerrshme të armëve në duart e qytetarëve. Një dallim si thikë mes diktaturave dhe demokracive është se regjimet demokratike nuk kanë dhe s’kanë asnjë arsye për të patur frikë nga armët private mbi bazë ligjore të qytetarëve të tyre. Regjimet diktatoriale i mbledhin ato “manu militarum”.
I mbledhin ato kundrejt dhunës, terrorit, torturave dhe të gjitha mjeteve të tjera. Pra Edi Rama me këtë rast nxori fytyrën e tij të vërtetë prej neobllokmeni, tregoi tmerrin që ka ai nga armët në duart e qytetarëve. Kjo thirrje, ky qëndrim ndan sistemet, sistemin demokratik me sistemin diktatorial, përndryshe është i njohur amendamenti i dytë i kushtetutës amerikane që sanksionon të drejtën kushtetuese të qytetarëve amerkanë për të patur dhe mbajtur armë. Ky amendament thotë se “The right of the people to keep and bear arms shall not be infringed”. Nuk ka stipulim më monumental dhe përgjigje më monumentale që i jepet këtij problemi, se sa i jep kushtetuta që bëri demokracinë amerikane, kushtetuta që frymëzoi demokracitë e botës dhe e bëri Amerikën të shkëlqejë e të kapë majat që ka kapur kryesisht në sajë të saj.
PYETJE: Besoj e keni parasysh se Shqipëria nuk është një demokraci e konsoliduar si ajo e SHBA-ve, apo jo dhe atje ky debat për armët bëhet ndryshe…
BERISHA: Sot është më e konsodliduar si demokraci Shqipëria se c’ishin në vitin 1792 SHBA-të, kur etërit themelues të Kushtetutës dhe të pavarësisë e vendosën të dytin këtë amendament. Kështu që nuk ka. E rëndësishme është kjo: cili është qëndrimi i qeverisë ndaj armëve? Ka frikë qeveria se ato armë kthehen ndaj tyre? Këta u tmerruan, këta menjëherë bërtitën “thirrje antikushtetuese”. S’ka asgjë. Ka një ligj. Kanë bërë vetë një ligj.
E kanë amenduar se ligji ka qenë i mëparshëm. E kanë amenduar dhe e kanë përmirësuar në një shkallë. Për mua e kanë përmirësuar, pse? Sepse kanë futur blerjen e armës, dmth qytetarët ta blejnë. Por cfarë ndodh me ta? Armë këta u japin vetëm banditëve. Armë këta u japin vetëm akrobasë??? së tyre, armë u japin vetëm kundrejt 1000 eurove, kundrejt 1 mijë eurove. Atëherë po sot cila është situata Mimoza? Situata është më dramatike se kurrë. Unë ju garantoj se sic u vodh tjetri para hotel Sheratonit, hotelit kryesor të vendit, sic u nda tjetri mu në zemër të Tiranës etj etj me rradhë, kjo situatë mungese totale rendi, ekziston në cdo skaj të Shqipërisë.
Fshatra të tëra devastohen nga hajdutë që u vjedhin lopë, kuaj, dele, gjënë e gjallë. Imagjino ti një fshatar që varet aq shumë, ushqimi i familjes së tij nga një apo dy lopë. Zgjohet në mëngjes dhe e gjen ahurin bosh. Apo edhe më keq, e sheh hajdutin tek shkon t’ia marrë. Më thotë një fshatar, e shoh që vjen e ma merr. Por ai është me armë, unë jam pa armë dhe unë s’kam c’i them. Nuk dal t’i jap kokën por i jap lopën, nuk do i jap kokën. Pra, kjo ëhstë situata që ekziston sot. Kohë e Shullazit e quaj unë këtë, kohë e Shullazit. Duke nënkuptuar Shullaz, Edvin Shullazin në rradhë të parë sepse po të mos ishte Edvin Shullazi, në këto lidhje fatale për krimin kjo situatë nuk do ekzistonte kurrë.
PYETJE: Nuk është më e thjeshtë që këta individë si Shullazi thjesht të arrestohen e të mos propozohet armatosja e shoqërisë z.berisha sepse si ish President, ish Km ju jeni Km që mbaheni mend se e keni futur Shqipërinë në Nato, keni liberalizuar vizat, e afruat vendin me BE dhe po propozoni një gjendje natyrore Hobsiane, e keni parasysh? Qeveria është Leviathani dhe njerëzit duhet të kthehen kundër njëri tjetrit?
BERISHA: Absolutisht jo Hobsiane. Kur unë drejtoja Partinë Demokratike, platforma ime ka qenë 0 tolerancë ndaj krimit dhe unë jua faktova Shqipëtarëve. Nga viti 2005 në shtator gjer në Janar- Shkurt të 2007, njëra pas tjetrës u eliminuan 204 grupe kriminale, u arrestuan të gjithë bosët e tyre. Banda e Dritan Dajtit, ky ishte leitnant, Lul berisha, Aldo Bare, Nehat Kulla e dhjetëra e dhjetëra të tjerë bosë kudo që ishin. Dondollaku në Itali etj, kudo që ishin. Në Shqipëri, Itali, Turqi, Suedi, Gjermani në cdo vend që ishin. U arrestuan mbi një mijë bosë të këtyre bandave.
PYETJE: Pikërisht, këtë gjë e bëri shteti…
BERISHA: Po po sigurisht shteti po Edi Rama po bën të kundërtën. Edi Rama ka adhurim për bandat, sepse me bandat ai do të realizojë gjithcka që ai nuk do realizojë dot me ligje. Ai nuk mund të kërcënojë, t’i thotë se do të marr kokën kryetarit të opozitës, se e di që kjo ka një cmim të madh. Por për këtë i con vrasësin e partisë Shullazin dhe i thotë nxirre kokën në dritare po deshe, po më përmende më emrin. Ai nuk mund të përjashtojë, nuk mund të grabisë tokën e stadiumit dhe të ndërtojë kullën e Olsit, sepse askush në këtë garë nuk do pranojë, prandaj gjen një njeri ku me Shullazin I përjashton gjithë të tjerët nga gara dhe shkon e merr bukur-bukur dhuratë tokën publike dhjetëra mijëra metra katrorë e cila iu dorëzua nga qeveria ime Federatës Shqiptare të Futbollit, si një ent shtetëror iu dorëzua dhe kurrë për t’iu bërë dhuratë një privati, për t’iu bërë dhuratë Olsi Ramës apo dikujt tjetër.
PYETJE: Qëndrojmë edhe pak tek armët, sepse ende nuk m’u përgjigjët. Në qoftë se ju thoni se njerëzit duhet të armatosen për këtë situatë që ju paraqisni, do të thotë që opozita nuk ka alternativë tjetër, por ka nevojë që qytetarët të marrin armët dhe të vetëmbrohen? Sepse ju jeni zgjedhur për të dhënë zgjidhje…
BERISHA: Opozita nuk ka këtë alternativë. E thashë edhe njëherë, kjo është alternativa ime. Sepse ka një dallim thelbësor mes meje dhe Lul Bashës. Lul Basha është përfaqësuesi I opozitës kandidat për kryeministër, kurse Sali Berisha e ka mbyllur kapitullin…
PYETJE: Ju jeni zëri i opozitës në parlament z.Berisha…
BERISHA: Jo. Jam por jo i alternativës opozitare. Alternativën opozitare e paraqet kryetari I PD. Po të jetë për alternativë timen, revolucion demokratik. Unë e kam thënë me kohë. Doja 5 mijë, 10 mijë vetë të nguleshim në bulevard dhe ta rrëzonim Edi ramën. Por kjo nuk është e PD-së, kjo është e imja.
PYETJE: Më lejoni t’ju citoj cfarë ka thënë z.Basha për thirrjen tuaj. “Sot (Rama) kapet pas një deklarate, një qëndrimi që nuk është as vendim dhe as nisëm, por është një propozim për gjendjen e tmerrshme kriminale me shpresën që do të fshijë Shullazin nga memorja e njerëzve.” Eshtë një deklaratë e kujdeshshme për atë që keni thënë ju por nuk është mbështetje për ju. E në fakt edhe njerëz të tjerë të medias, analistë edhe pranë të djathtës, jua kanë justifikuar, por jo mbështetur si ide. Duket së vertetë tema e armëve është dicka delikate. Me kë e keni konsultuar ju këtë ide?
BERISHA: Absolutisht me asnjeri, përvecse me Sali Berishën
PYETJE: As më mbrapa?
BERISHA: Me asnjeri përvec me veten. Me të drejtën demokratike të qytetarëve, sigurinë e qytetarëve, me asnjeri.
PYETJE: A mendoni se kjo cështje kërkon një vendimmarrje shumë më të madhe sesa ju, PD-ja, 140 deputetë në parlament?
BERISHA: Unë mendoj se kjo cështje…Edhe njëherë të dal tek kryetari dhe tek PD-ja. PD-ja nuk mund ta ketë këtë alternativë sepse PD-ja kur drejtohej nga unë kishte 0 tolerancë ndaj krimit. Unë besoj se edhe z.Basha do i përmbahet këtij parimi që presin qytetarët.
Kurse unë, unë jam një deputet tani. Nuk përfqësoj udhëheqjen e PD. Natyrisht unë jap mendimet e mia, sic jap për revolucionin demokratik, me të gjitha mjetet e mosbindjes paqësore. Unë jap këtë një alternativë. Dhe pse s’merr një gjë Mimoza, cfarë impakti pozitiv pati në shtypin ndërkombëtar kjo thirrje? Impakt të shkëlqyer…
PYETJE: Ju e lexoni si pozitiv faktin se thuhet që në Shqipëri bëhet thirrje që qytetarët të marrin armët?
BERISHA: Thirrje për qytetarët, sepse qeveria nuk po i mbron qytetarët…
PYETJE: Jemi vend i NATO-s z.Berisha…
BERISHA: Vend i NATO-s? vendi i sekretarit të përgjithshëm të NATO-s që ka qenë edhe kryeministër, ka përqindjen më të lartë të armëve në Europë pas Zvicrës, Norvegjia, vend themelues i NATO-s…
PYETJE: Por nuk kanë një histori të 97-ës sic e kemi ne…
BERISHA: Jo. 97-a nuk është një histori që, cfarëdo që t’i japësh, është një histori malavite dhe bandash…
PYETJE: Dakord por ajo tregon se cfarë ndodh kur qytetarët marrin armët…
BERISHA: Absolutisht jo! Ka dy gjëra. Armët me të cilat u vranë shqiptarët u sollën nga deti. Shqiptarët nuk duhet të gabojnë. Armët të cilat mbrojtën shqiptarët ishin armë të depove. Armët e depove ishin armë që mbrojtën Shqiptarët në Shqipëri, mbrojtën Shqiptarët në Kosovë…
PYETJE: Por u desh një forcë ndërkombëtare paqeruajtëse që të stabilizohej situata apo jo?
BERISHA: Ajo ishte qëllim tjetër. Ajo kishte qëllim tërësisht të politikës së jashtme, kërcënime të jashtme. Ishte një gjë tjetër, se duhet t’i analizojmë gjërat. Pra armë të cilat u morën nga depot. Depot u hapën. E kuptoni vetë dmth….
PYETJE: Gjithcka u fshi me marrëveshjen e 9 marsit, që bëtë ju si president…
BERISHA: U hapën jo pa qëllim depot. Shqiptarët nuk mund t’i merrnin bandat. Shteti kishte një alternativë: o t’u binte me armë këtyre dhe mund të krijonte një konflikt civil, ose të armatoste qytetarët dhe nuk kishte më konflikt civil dhe një pjesë e madhe e këtyre armëve do t’u shkonin shqiptarëve në Kosovë për t’u mbrojtur nga serbët.
PYETJE: Po thoni që shteti zgjodhi alternativën e dytë?
BERISHA: Absolutisht po! Pa asnjë diskutim, pa asnjë diskutim!
PYETJE: Kjo është deklaratë e fortë z.Berisha…
BERISHA: Jo, e kam thënë unë këtë. Kjo në mënyrë të padiskutueshme. Po qe se ti nuk siguron dot qytetarët, ti do t’u japësh mundësi atyre të sigurojnë veten e tyre, se përndryshe…Dhe kjo, kjo e qetësoi situatën. Kjo ndihmoi shumë shqiptarët si në Shqipëri edhe në Kosovë për t’u mbrojtur tek pragu i derës. Nuk luftuan shqiptarët kundër njëri-tjetrit. U mbrojtën tek pragu i derës.
PYETJE: Megjithatë pati një marrëveshje pastaj të 9 Marsit që gjithë cështja u mbyll le të themi politikisht….Sot, cfarë efekti na bën sot kjo thirrje? Sepse besoj e kuptoni ndjeshmërinë e njerëzve kur flitet për armë në duart e qytetarëve? Ka ndjeshmëri.
BERISHA: Absolutisht ka një mirëkuptim universal për thirrjen time. Ka një mirëkuptim të madh Këtu s’kanë mirëkuptim, vetëm një grup i vogël që ndan psikologjinë e të shkuarës, për të cilin armët në duart e qytetarëve janë rrezik i madh për pushtetin, për pushtetin. Po qe se do shkojmë në histori
PYETJE: Këtu prekim Kushtetutën pak, kufirin kushtetues…
BERISHA: Kategorikisht s’prekim, ja ku është ligji.
PYETJE: Sepse kur thuhet nga armët ka frikë shteti, duket se bëhet thirrje për reagim të armatosur, dicka që ju vetë e keni provuar…
BERISHA: Atëherë në qoftë se unë iu referova ligjit, në qoftë se unë iu referova kushtetutës amerikane, besoj se këtu pastaj mund të ndërtojë kush c’të dojë. Po në atë paragraf që ke ti, them të ndryshojmë ligjin në mënyrë që ta nxjerrim nga korrupsioni etj etj…
PYETJE: Pra ta rishikoni ligjin…
BERISHA: Po rishikim i ligjit dhe unë i referohem kushtetutës amerikane. Unë nuk them opozita e armatosur. Unë them qytetarë shqiptarë armatosuni dhe këtë e them me bindjen më të thellë, në këto kushte kur nuk më thotë dot një njeri i vetëm se është i sigurtë. Cfarë po ndodh me Shullazin, me gjyqin e Shulazit? Edi Rama njëri pas tjetrit po terrorizon me pushtetin të gjithë dëshmitarët. Po i detyron ata të tërhiqen. Cili shqiptar ndihet i sigurtë sot, përvec qeveritarëve që rrinë në makina të blinduara dhe veshin antiplumb. Kjo është situata. Situata është katastrofale përsa i përket rendit. Pse aq mirë e interpretuan mediat e huaja thirrjen time? Sepse ata e dinë se kur qytetarët nuk mbrohen nga qeveria duhet të kenë mjete për t’u mbrojtur. Dhe sot po ndodh një vjedhje massive. Jep më policia komunikata për vjedhje banesash? Nuk jep asnjë. Po pse? Se janë me qindra dhe me mijëra. Ato janë, as që merret policia fare. Mirëpo, t’i vjedhësh tjetrit banesën, t’i vjedhësh gjënë e gjallë, t’i vjedhësh pronën, ti i vjedh jetën atij.
PYETJE: Pra dalim tek ideja se kjo është një cështje që duhet diskutuar shumë më gjerë se me 140 deputetë…
BERISHA: Jo, kjo ide e ka një përgjigje. Unë mendimin tim e shpreha. Unë nuk them, unë nuk kërkoj…
PYETJE: Po a do ta përktheni në aksion, sepse do ju duhet edhe mbështetje…
BERISHA: Unë nuk e marr me nxitim. Unë e marr gradualisht. Unë kam kohë që bëj thirrje për revolucion demokratik. Dhe unë do vazhdoj të bëj thirrje. Unë bëj thirrje që të amendohet ligji, që qytetarët të pajisen me armë dhe askush nuk duhet të ketë frikë nga armët e qytetarit përvec mëkatarëve. Po pse ka frikë Edi Rama? Ka frkë Edi Rama se përvec arbitraritetit të tij të ligjit, ka vendosur diktaturën e krimit. Ka frikë Edi Rama sepse e di që për shumicën e shqiptarëve sot, më e urryer se cdo diktaturë tjetër është ajo e krimit. Ka frikë Edi Rama se ai përdor këtu Shullazin, aty Hakmarrjen për drejtësi, aty bandën tjetër për të zgjidhur të gjitha problemet e klanit të tij, të vetes së tij.
PYETJE: Juve ju duhet njohur krediti në fakt që keni folur vazhdimisht për Shullazin, jo vetëm para dy javësh kur denoncuat se ishte kërcënuar kandidati për rector dhe rektori i UT, por e keni bërë këtë gjë prej tre vjetësh parlament. Keni denoncuar cka ju i quani lidhje të Shullazit me Km e ministrin e brendshëm
BERISHA: Dhe do vazhdoj të denoncoj. Kam denoncuar edhe hakmarrjen për drejtësi…
PYETJE: Por duhet parë edhe ana tjetër sepse z.Rama ju kujtoi në parlament se në kohën kur ai ishte në opozitë Shullazi i prishte takimet e Partisë Socaliste. Për llogari të kujt i prishte takimet dhe nëse ishte një keqbërës i rëndomtë, përse i shpëtonte rregullisht burgut?
BERISHA: U arrestua 7 herë. Gjatë periudhës që unë kam qenë kryeminsitër Emiljano Shullazi është arrestuar 7 herë. Bosi i tij Dritan Dajti është këputur në mes, në mes. Kjo është historia e bandës së tij. Eshtë burgosur disa herë, dënuar nga gjykata disa herë. Cfarë është incidenti që përmendi Edi Rama? Vasilika Hysi dhe Besnik bare ndërtuan zyrën elektorale karshi shtëpisë së tij. Por bosi i krimit nuk mund të duronte altoparlantin e zyrës elektorale të PS.
PYETJE: Pra ju thoni që nuk ishte reagim politik…
BERISHA: Jo, ai ishte shef aty. Ai ishte krzyetar i PS dhe shkoi ua hoqi, ua mori. Nuk u ka prishur miting ai. U hoqi altoparlantin që i conte zhurmën tek shtëpia. Cfarë ndodhi me të? U arrestua Brenda 12 orëve. Cfarë ndodhi më tej me të? U dënua nga gjykata me 20 ditë për këtë vepër. Cfarë bëri Edi Rama? Edi Rama i dha qindarkë për qindarkë të gjitha ditët e burgut duke shkelur në mënyrë flagrante ligjin. Në dallim nga cdo qytetar tjetër, i cili për të marrë një dëmshpërblim kur ndëshkohet në mënyrë të padrejtë, duhet të ketë një vendim të formës së prerë të gjykatës së apelit dhe s’mund ta marrë kurrë me vendimin e gjykatës së faktit, të gjykatës së shkallës së parë, Emiljano Shullazi është i vetmi shqiptar, që me vendim të Edi Ramës, të qeverisë së Edi Ramës mori dëmshpërblimin, vetëm me vendim të shkallës së parë, sepse me të dytën Shullazi s’fitonte kurrë pafajësinë. Edi Rama prishi të gjitha provat e përleshjes së Qafë Kasharit, pasi tha drejtoria e Tiranës se ai u plagos në shpinë, se u gjet me 7200 euro, se u gjet me kaq fishekë etj etj. Pas dy orësh Saje qorri, Didi me urdhër të Ramës, ndryshuan cdo gjë, se Shullazi nuk është i plagosur, se ngjarrja e Qafë Kasharit nuk ka asnjë lidhje me ngjarjen në rrugën e Kavajës etj etj. Cfarë bën Edi Rama? Ka një drejtor policie që s’ka lëvizur që nga dita e parë që është emëruar e deri sot? Pleurat kanabisi, Pleurat droga që e kemi të filmuar në arat e kanabisit si triumfator në arat personale të tij. Cfarë bën ai? Gjithë ato vrasje në Durrës. Ai garanton vrasjet e Shullazit. Cfarë bën ky Pleurati? Ky nis kamionat me drogë e kapen në Itali. Shumica nga Shullazi. As ferrë në këmbë nuk i hyn sepse bosi i vërtetë i tij është Shullazi. E arrestuan një herë këtë Gilmandon, e arrestuan një ditë. Një polic që guximtar e kapi në mes të autostradës. E merr nga ministria, nga policia Ardian Cipa. I thotë oficerit “liroje menjëherë”. Jo, i thotë nuk e liroj, më fal. Mua duhet të më thotë drejtori i policisë së Durrësit. Pas dy minutash e merr Pleurat kanabisi e i thotë “mos guxo ta sjellësh në komistariat”. U detyrua oficeri e liroi në autostradë. Cfarë ndodhi me vrasjet që bëri? A nuk e morën tjetrin nga qendra e Durrësit dhe e cuan në Fushë Krujë dhe e ekzekutan duke mos i nxjerrë Pleurati as edhe një patrullë gjëkundi? Që nga Durrësi deri në Fushë krujë mund të nxirrje tre pa asnjë vështirësi.
PYETJE: Ju i bëni vazhdimisht këto denoncime dhe unë i kam dëgjuar rregullisht për tre vjet. Pse nuk përdorni dimensionet e tjera të parlamentit? Ka dimensionin kontrollues ndaj ekzekutivit. Mund të përdorni interpelancat, komisionet hetimore sic ua propozoi ministry Tahiri për rastin e fundit, sepse vetëm me denoncime, cfarë ndryshon?
BERISHA: Jo unë nuk bëj denoncime, Unë paraqesh fakte dhe nuk e ka mohuar që është arrestuar Gilmando Dani në autostradë. S’e ka mohuar njeri. Unë e kam denoncuar që në atë kohë. Nuk e ka mohuar njeri.
PYETJE: Ideja është që njerëzit të vihen parapërgjegjësisë për këto veprime…
BERISHA: Qeveria sic ka shndërruar në korporatë krimi veten dhe policinë, ka hedhur tentakulat e veta edhe në prokurori, në gjykata dhe kudo. Kjo është e vërtetë. Cfarë mund të thoni ju për gjykatësit që lirojnë Armando Prengën? Dhe që e sjellin në parlament. Këto mund të cojnë në luftëra civile sot. Këto akte, këto momente, ata që janë të interesuar për luftën e konfliktet civile, këto kanë patur për bazë, vrasjet politike dhe shpërthime të tilla. Cfarë do thonin ata gjykatës nëse do kërciste revolja në oborr ose në sallën e parlamentit? Me një kriminel ordiner, të shpërfytyruar, një rrugac, hajdut ordiner i ndjekur prej vite e dhjetëra vite, me dosje të mbyllura nga prokurorë kriminelë, me dosje në Shqipëri të mbyllura për dorgë nga prokurorë kriminelë. Cfarë do i thonin vendit ata? Zbatuam urdhrin e Edi Ramës do thoshin?
PYETJE: Megjithatë ju thoni që jo gjithë prokuroria është e tillë
BERISHA: Pa diskutim jo gjithë prokuroria, jo gjithë gjykata.
PYETJE: Ju vlerësuat së fundmi rolin e prokurorisë për arrestimin e Shullazit, në një linjë me z.Basha. Ju thoni “Roli i prokurorit dhe i prokurorëve është për t’u përshëndetur, morën përsipër për të bërë atë që se bënë oficerët e Tahirit.” Dhe z.Basha gjithashtu: ‘Sot, po të mos ishte për punën e prokurorisë dhe nëpunësve të tjerë me integritet të shërbimeve shtetërore, po të mos ishte për aleatin tonë të çmuar, Shtetet e Bashkuara të Amerikës, Emiliano Shullazi do të ishte duke prerë akoma gjoba të reja, duke planifikuar atentate të reja, duke vendosur për tenderin e radhës, emërimin e radhës, duke grabitur qytetarin e radhës dhe pronën e tij…”
Jeni gjithmonë shumë të kujdesshëm në artikulimet për prokurorinë, edhe pse në këto tre vjet ne nuk kemi parë ndonjë aksion për t’u shënuar. Ju keni bërë shumë denoncime z.Berisha. Prokuroria është organi që ngre akuzën, por nuk kemi parë raste për t’u shënuar.
BERISHA: Nuk mund të akuzoj unë Prokurorin që u përball dhëmbë për dhëmb me bandat më të rrezikshme të Shqipërisë dhe të Europës. Ata aty janë dhe i kanë bërë shërbime të mëdha vendit të tyre. Por nuk mund të pajtohem kurrë me Prokurorin që shet dosjen. Ai Prokuror që shet dosjen është më kriminel se cdo kriminel se nuk shitet kurrë sekreti i shtetit. Ai bën një tradhëti të lartë ndaj shtetit, ndaj ligjit ndaj parimeve, ndaj gjithckaje.
PYETJE: Atëherë dalim tek cështja që duhet reforma në drejtësi, apo jo?
BERISHA: Pa diskutim që duhet!
PYETJE: Cfarë po e vonon reformën se zëra të ndryshëm, në korridore të medias, politikës, ndërkombëtarë, thonë se nuk është thjesht PD, por është Sali Berisha që nuk e do reformën në drejtësi.
BERISHA: Unë c’është e vërteta nuk besoj ta thotë dikush nga komuniteti ndërkombëtar, por në qoftë se e thote ndokush prej tyre janë thjesht mercenar të një regjimi kriminal. Pse? Kushdo që ta thotë këtë, kushdo që ta thotë, cilido që ta thotë. Sali Berisha është më i interesuar se kushdo tjetër, dhe unë publikisht dhe privatisht në cdo diskutim timin i kam kërkuar Partisë Demokratike të jetë aktive në reformën e drejtësisë dhe fakti është a ka ndikuar apo jo ky qëndrim imi, s’mund ta them. Por fakti është se Partia Demokratike ka mbajtur qëndrimin më të favorshëm, më aktiv dhe po të ishte për Partinë Demokratike, reforma në drejtësi do ishte duke zbatuar sot në të paktën gjysmën e saj
PYETJE: Pra ju mund të ndihmoni që të përshpejtohet?
BERISHA: Prit se do të të them. Tani unë nuk mund të merrem me cakejtë por duhet të jap përgjigje. Që në fillim Edi Rama përjashtoi për herë të parë konsensusin nga reforma sic dihet, përjashtoi pra komisionin me consensus. Normalisht Partia Demokratike mund t’i thoshte “mirë, rrugë të mbarë shko në punën tënde, mirupafshim meqë ti s’do”. PD nuk e bëri këtë. Ajo zgjodhi një rrugë tjetër, të angazhimit të saj jo tashmë me konsensus, por në mënyrë të pavarur të angazhimit të saj më serioz në reformë. Kjo ndodhi. Pas 6 muajsh punë, ekspertët e famshëm të Edi Ramës, Sadushi, Dvorani, Xhafa etj, prodhuan draftin. Cili ishte drafti? Drafti ishte: Edi Rama kryegjykatës, Edi Rama kryehetues, Edi Rama kryeprokuror. Ishte kjo? C’bëri PD-ja? Bëri oponencën dhe e dërgoi në komisionin e Venezias. Nuk ishte PD-ja që e vonoi 5 muaj. Nuk ishte PD-ja që e vonoi edhe një ditë të vetme. Madje PD-ja ka dërguar në Venecia oponencën e vet, opinionin e vet, rreth një javë, 10 ditë pasi qeveria e dërgoi në Venezia draftin e famshëm të ekspertëve famozë që e kishin përgatitur. A është kështu apo jo? Pra 5 muaj mori edi rama. Prit. Erdhi drafti nga Venezia. Pikë për pikë adresoi të gjitha problemet tona dhe mund të ta them këtu, mund të ta them këtu, që kam patur falenderime shumë të përzemërta nga komuniteti ndërkombëtar duke më thënë që dolën të vërteta, të drejta, të gjitha ato vërejtjet që ti ke shtruar apo ke bërë, në mënyrë të prerë e të përsëritur. Erdhi problemi, tani si do vazhdohej. Edi Rama “toidhjo” në të njëjtën mënyrë, mori, hartoi pa ne draftin e dytë. Ne i thamë hajde të punojmë, të ulemi, ja ku i kemi të gjitha rekomandimet e Venecias dhe të bëjmë draftin tani. Ai donte pa ne. E hartoi draftin e dytë gjatë janarit, e dergoi në Venecia. E dërguam edhe ne.
PYETJE: Megjithatë ka disa javë që variant final ka ardhur nga Venecia…
BERISHA: Një minutë. Do vij aty. E dërgoi në Venecia. Venecia e gjeti përtokë. Venecia e rrëzoi draftin e dytë në 11 shtylla. E këputi në mes. Venecia asgjësoi Byronë e Hetimit në variantin e Edi Ramës ku Edi Rama bëhej kryehetuesi i Shqipërisë. Venecia denoncoi shkeljen e Konventës Europiane të të Drejtave të Njeriut dhe të kushtetutës shqiptare nga drafti. Venecia denoncoi përpjekjen e qeverisë për të kapur drejtësinë. Të gjitha këto. Dhe sic e di ti në Mars erdhi opinion i dytë i Venecias, pra u shtunë edhe 3 muaj. Nga 5 u bë 8 muaj vonesa nga Edi Rama dhe përpjekja e tij monstruoze për të kapur drejtësinë.
PYETJE: Sot ai ju thotë po ju pres në tavolinë…
BERISHA: Prit një minutë, prit një minutë. Cfarë bëri ndërkohë? Edi Rama përgatiti, kaloi në qeveri draftin famoz të BKH-së, ku vinte Saje qorrin në krye të saj. Pse e bëri këtë? Ai e dinte që ajo s’pranohej kurrë. Po e bëri vetëm për të bllokuar. Pse e bëri për të bllokuar? Sepse tani hyn faktori Ponta dhe Surreli. Një vizitë të fshehtë në Rumani bashkë me tellallin e tij Balla, drejt e tek Viktor Ponta. Viktori u tha, “në qoftë se e bën, shihe këtë, do ta kesh më të ngushte qelinë, se c’e kam unë sot”. Absolutisht po.
PYETJE: Mendoni se rasti i Shqipërisë do funksiononte kështu? Do ju marr si shembull dekriminalzimin, sepse u tha se do ndodhte kushedi cfarë. U bë ligji dhe s’ndodhi gjë. Pse duhet të besojmë se do ndodhë dicka ndryshe?
BERISHA: Mendonte Viktori.. Do dal unë atje. Ti ke shumë të drejtë. Unë e vlerësoj shumë këtë që thua ti. Do ndalemi aty. Pra, Viktori u tha, do ta kesh më të ngushtë se unë këtë qelinë. Po cfarë u tha tjetër? Unë tha në ligj e kisha që e emëroja vetë. E emërova por ma morën e m’i bënë “brain ëashing” (shpëlarje truri). A e kishte fjalën për ndonjë vend europian apo për Amerikën, këtë nuk e di. M’i bënë brain ëashing dhe të parit që iu kthyen, m’u kthyen mua. A do të t’i jap unë emra deputetësh e të them për bisedën që ka bërë Edi Rama në sallën e parlamentit për reformën? Edi Rama, haptas kundër reformës. Prit tani. PD ja pro reformës, hajde tani të marrim vërejtjet e Venecias e të ecim përpara. Cfarë bëri? Ndërhyri në mënyrën më të papranueshme për lirimin e Armando Prengës. Lirimi i Armando Prengës nuk ishte një sfidë vetëm për opozitën, por ishte një sfidë për Parlamentin Europian, ishte një sfidë për komunitetin ndërkombëtar, të cilët, c’është e vërteta më thonë mua në mënyrë të përsëritur, jo një por shumë prej tyre, që Rama nuk do reformën, dhe ma thonë në mënyrë të përsëritur, jo një por disa. Nuk e do reformën sepse ka arsye, ka Surrelin, ka pallatin në pajë, ka koncensionet…
PYETJE: Atëherë pse nuk e nxisni ju si opozitë?
BERISHA: Opozita nuk mund të asgjesohet. Sepse nëse opozita bënte të paqenë rastin e Prengës dhe në rastin e dy shkeljeve të rënda të Kushtetutës, opozita asgjëson veten e vet, vërtetë merr pjesë në një process, por bëhet absolutisht inekzistente. Nuk mund të pranonte opozita që Madame Lokomotiva, meqënëse ishte nënkryetare e parlamentit të mos gjykohej nga Gjykata Kushtetuese, pasi i biri kishte marrë lokomotivën, kishte marrë hekurudhën Ballsh-Vlorë. Nuk mund të pranonte për deputetin tjetër, i cili për hir të së vërtetës tregoi më integritet, tha “unë do të shkoj atje”, por s’donte Rama se Rama donte t‘i përdorte këta për të bllokuar reformën, por dhe opozita nuk mund të hiqte dorë nga cështja e zbatimit të vendimeve të Gjykatës Kushtetuese. Kështuqë, e vonoi tre javë Rama. Cfarë bëri tani.. Unë bëra një deklaratë, dhe po të them një gjë, që kjo është e mjaftueshme për të bojkotuar parlamentin, dhe unë nuk e këshilloj këtë dhe nuk do bojkotohet..
PYETJE: Ju flisni për parlamentin si strofkë krimi, flisni për dekusarizim..
BERISHA: Unë flas për dekusarizim sepse ka vjedhjet më monstruoze të buxhetit të shtetit. A e ke parë Edi Ramën si shkon me bisht nën shalë mbas tenderit të madame Nushit, ndrikullës. Po a bën kryeministri ashtu?! Ti dal zot vjedhjes monstruoze që bën me klanin Nushi?
PYETJE: Pse nuk kërkoni interpelancë?
BERISHA: Besoj se në parlament unë i kam ngritur të gjitha. Aty është Edi Rama, ia them të gjitha në sy por sa flas unë ai ngrihet dhe ikën, ka tmerr dhe ferr dhe nuk dëgjon dot.
PYETJE: Po ta thërrisni në interpelancë do e keni përballë
BERISHA: Jo, nuk kam ndonjë kënaqësi as ndonjë gusto ta kem përballë, as mbrapa, as para. Atij i takon të rrijë aty. Kur ai flet për mua, unë nuk iki, unë qëndroj dhe jap përgjigje. Ai zotëria cohet dhe ikën menjëherë dhe pastaj thotë pse s’më thërret në interpelancë. Po cfarë të të thërrasë në interpelancë? Cfarëdo gjë që them është fakt. Cdo analizë që po bën me ndrikullën Nushi iu kushton shqiptarëve 9 herë më shumë sesa në laboratorin publik. Cdo analizë që bën, cdo koncension i dhënë. Shkon i jep një muratori koncensionin prej 60 milionë euro të sterilizimit duke patur të kaluar vjet marrëveshjen me Këshillin e Europës për të financuar shkollimin e atyre që do përdornin aparaturën më moderne që ekziston sot, të importuar nga qeveria ime e mëparshmë dhe të instaluar, të inauguruar nga ish ministri i shëndetësisë Petrit Vasili, dhe tani na duhet t’ja japim muratorit që ka vetëm një punëtor sepse ndan paratë me Edi Ramën. Pra, të gjitha këto, cfarë kam thënë i them me fakte dhe ky është proces dekusarizimi. A mundet njeriu t’i japi Pandi Carapulit… Cfarë është Carapuli? Carapuli është pronari i vërtetë i Vollgës, tjetër punë se s’del me letra. Po ky Fezgo Kodra, është një punonjës menaxher në kompaninë e Carapulit që dy vjet më parë shkonte nga një vend në një tjetër për të kërkuar punë se Pandi nuk e paguante si duhej, i jepte rrogë të vogël. Kjo është e vërteta. Tani Pandi, meqë i ndërtoi sarajet e Surrelit merr tender pas tenderit dhe nuk ka të ngopur. Një makut që thith gjakun e shqiptarëve bashkë me Edi Ramën duke shfrytëzuar lidhjet atërore, lidhjet e vjetra, lidhjet korruptive, i cili absolutisht është një lloj shullazi por kësaj here jo i zbërthyer por i kollarisur dhe i paraqitur chic.
PYETJE: Cili është roli i opozitës në këtë periudhë, sepse kam parasysh që juve jeni njeri i aksionit, ju propozoni deri armatosjen e qytetarëve ndërsa opozitën e shoh me denoncime nga foltorja e PD, denoncime të tipit që sot i bëjnë edhe mediat dhe njerëzit në rrjetet sociale.. Keni një strategji që konvergon në drejtime të ndryshme?
BERISHA: Edhe një herë; armatosja e qytetarëve ka një konotacion për sigurinë e qytetarëve. Pse e merr Edi Rama se është armë kundër tij, Zoti e shpëtoftë atë, ajo është punë tjetër.
PYETJE: Do vazhdojë opozita me denoncime nga foltorja e PD?
BERISHA: Jo, unë mendoj se nuk është ashtu…
PYETJE: Pse nuk ka aksion në PD, ose më mirë pse ka më shumë denoncime se sa le të themi frymëzim. Opozita duhet të frymëzojë sot..dhe ju e dini këtë gjë nga eksperienca juaj 8 vjecare në opozitë
BERISHA: Unë mendoj se opozita nuk ka vetëm denoncime. Opozita paraqet në mënyrë të përditshme alternativat
PYETJE: Nuk ka aksion z.Berisha..
BERISHA: Ka dhe aksion dhe mund të ketë edhe më shumë aksion, jam dakort por alternativë opozita po paraqet, të them të vërtetën më shumë se cdo opozitë në historinë e vendit. Paraqet vazhdimisht alternativa për ekonominë e për të gjitha problemet, por problemi është se sot ekziston një terror. Ju e dëgjuat në një nga emisionet e Opinion kur moderatori i emisionit Blendi Fevziu tha se 36 gazetarë dhe zyrtarë refuzuan të vijnë në këtë studio të flasin për Shullazin. Kjo është gjëndja më katastrofale. Mimoza, vendosja e diktaturës së krimit është forma më e shëmtuar e diktaturës dhe në mënyrë absolute nuk rrëzohet pa një revolucion të fuqishëm demokratik. Vota nuk ka asnjë efekt.
PYETJE: E keni diskutuar këtë gjë brenda strukturave të PD, sepse jeni në dy ide të ndryshme..
BERISHA: Unë jam një ish president, ish kryeministër, ish kryetar PD-je, i kam mbyllur në mënyrë përfundimtare çdo ide apo përpjekje që unë të jem pjesë e lidershipit të PD, unë e kam mbyllur kapitullin e të qënit pjesë e lidershipit
PYETJE: Ju jeni në mbledhjet e grupit kur ka debat, dhe ky është lajm i mirë, që ka debat është lajm i mirë, ka mendime të ndryshme …
BERISHA: Normal, unë flas dhe të jesh e sigurtë, të garantoj se unë jam në favor të një debati sa më të gjerë e të fuqishëm. Nuk kam asnjë kundërshtim për debatin por natyrisht, në asnjë rast, nuk jam dhe nuk do jem përcaktues, nuk do përcaktoj axhendën.. Unë kam axhendën time, kam mënyrën e komunikimit me publikun, në parlament, me gazetarët, nëpërmjet FB me mënyrat e mia dhe kurdo që ato bien ndeshas me PD apo me interesat e saj është e lirë që ajo të distancohet pa asnjë lloj keqardhje. Unë përpiqem me qëndrimet e mia, mendoj unë, që ta ndihmoj aq sa mundem por duke ruajtur dhe pavarësinë time.
PYETJE: Dhe këtu po e mbyll me pyetjen e fundit, ju përmëndët që jeni ish, por ju keni një ndikim të jashtëzakonshëm në publik. I hodha një sy përpara kësaj interviste Facebookut tuaj, keni mesatarisht 3 statuse në ditë të cilat marrin nga 2-3 deri në 5-6 mijë pëlqime cfarë është një rekord, pra keni shumë ndikim. Më kujtohet, ju kam bërë një pyetje në një studio televizive dhe ju kam thënë a do jepni dorëheqjen nëse do humbni zgjedhjet dhe përgjigja juaj ishte “burri njihet nga pasionet dhe pasioni juaj ishte politika’, cka u vërtetua në fakt pasi ju e dhatë dorëheqjen, por vërtet qëndruat në politikë. Tani, cili është pasioni i Sali Berishës i rradhës, sfida e rradhës, sepse nuk ju shoh si njeri që mund të jeni pasiv, ju duhet të keni një sfidë, një pikësynim dhe a keni një afat për këtë?
BERISHA: Unë ju siguroj ty se unë kam vetëm një qëllim, imediat, afat mesëm dhe afat gjatë; mbrojtja e interesit publik, ashtu sic e quaj unë. Unë nuk pretendoj kurrë që të jem barometri i tij, as dhe të kem monopolin e të vërtetës, por në mënyrën sic e konceptoj unë. Ka një shprehje Eduard Bruke “asgjë s’i duhet të keqes më shumë të triumfojë sesa heshtja e njerëzve të ndershëm, heshtja e atyre që nuk duhet të heshtin”, dhe unë nuk do të hesht kurrë para asaj që e konsideroj të keqe për publikun.
PYETJE: Edhe me rrezikun që do të përjashtoheni sepse u bë hera e dytë… Megjithëse grupi duket sikur nuk rri dot pa ju në parlament
BERISHA: Përkundrazi jam nderuar shumë nga ky vendim. Unë them një gjë, nqse marrëdhëniet e mia nga parlamenti deri diku m’i kushtëzon edhe grupi, sepse unë nuk dua të ndikoj në vendime që nuk besoj se i interesojnë PD-së dhe grupit ndaj parlamentit. Kështu që unë në këtë rast i përshatem grupit, por përkundrazi, unë jam ndjerë shumë i nderuar, kanë përdorur votat e Partisë Siciliste, më ka përjashtuar si hakmarrje për arrestimin e Shullazit dhe absolutisht kjo më bën krenar më shumë se cdo gjë tjetër. U tmerrua nga kërkesa imë që qytetarët të kenë armë sipas ligjit, tregoi se ka mendësinë e Spiro Kolekës dhe të atit të tij biologjik, mendësinë e atyre që kanë frikë dhe tmerr nga armët në duart e qytetarëve. Edi Rama për hir të së vërtetës, në 14 shtator të vitit 98, pasi kriminelë me uniforma, majorë, kolonelë etj, ekzekutuan para selisë së PD Azem Hajdarin dhe të nesërmen, me gjithë përpjekjet e mëdha të mia që ai të mos shndërrohej në një konflikt më të gjerë, ajo ndodhi. Dhe Edi Rama e di mirë kur ka ardhur në televizionin shtetëror u zhduk, hyri në bunker, ka qënë i verdhë e i zbehtë sikur kish dalë nga arkivoli. Ndaj dhe i them Edi Ramës se armët nuk duhet t’i ketë kurrë frikë një qeveri e një vendi të lire, por ta ketë të qartë se do ti duket lule 98-ta çfarë do mund ti ndodhë nëse ndërsen bandat a armatosura të tij. Pse e them këtë…
PYETJE: Sulmet ndaj institucioneve janë gjithmonë të papranueshme
BERISHA: Prandaj po dal atyy. E them këtë se në 98-tën bëra gjithcka për ta kontrolluar, por nuk e kontrollova dot, por të jesh e sigurtë që nga 98-ta e mbrapa, kush më nuk mund t’i kontrollojë. Po them nëse përsëritet, nëse përdor bandat e veta kundër opozitës e kam fjalën. SE duhet ta ndajmë, qytetarët nuk i konsideroj opozitë, qytetarët kanë një interes, nuk kanë interesin e opozitës por kanë interesin e sigurisë së tyre ndërsa opozita ka interesat e veta. Dhe unë po të them se nëqoftëse ti që mban bandat kudo, ti që i con bandat kryetarit të opozitës, që këtej thotë se i dhashë atë status, që në fakt i kisha dhënë unë, dhe rrihte gjoksin si me qenë budalla, më fal për shprehjen, sepse ai ishte me vendim, por po e jap për herë të parë thoshte (statusin). Po ai e ka të zakonshme këtë lloj qëndrimi. Pra i coi kryetarit të opozitës bandat, i tha mos guxo ta nxjerrësh kokën në dritare po më përmënde emrin. Po qe se vepron me praktika të tilla, në mënyrë absolute vrimë miu të gjejë, dhe ta marrë personale këtë, ja kam bërë një herë. E mori personale dhe e dëgjoi mirë. Dhe kur ja bëra atëherë, ai që i coi mesazhin tha “si thua ti, kjo qënka si në Shqipërinë e shekullit të 19”. Zotëri, – i thashë unë, – ky zotëria që po i coj këtë mesazh ka bërë 1753 protesta dhe ia kam siguruar që të gjitha dhe s’i ka hyrë një ferr në këmbë, ka bllokuar edhe rrugët duke shkelur ligjet e vendit, dhe përsëri e kam respektuar se ka qënë opozitë. I ka pasur Shqipëria në kohën që më thoni ju mua këto? Tani ai kërkon t’u vëri zjarrin institucioneve. Ta provojë, ta provojë se do ti përgjigjem, jo në Tiranë, po dhe në Sarandë e Gjirokastër po dogji një zyrë, nuk do mund të kthehet kurrë në Tiranë.
Edhe tani i them provoje. Prek një opozitar, dhe në mënyrë absolute do pësosh ate që as në ëndërr nuk do mund ta imagjinosh. Pse e them këtë. Po deri sa luan me banda ky bandit, ky kryebandit që i con kryetarit të opozitës kryebanditin për ta kërcënuar atëherë cfarë pret këtu. Kjo është arsyeja
PYETJE: Zoti Berisha unë vërtet shpresoj që opozita të gjejë një alternativë tjetër më të mirë sesa armët
BERISHA: Më vjen keq dhe unë ju garantoj dhe një herë se kjo nuk është e opozitës, armët nuk janë alternativë e opozitës.
Alternativa ime është kjo, opozita ka alternativën e vet. Opozita nuk e arreston dot Shullazin, nuk arreston dot bandat. Opozita duhet të pregatisë alterntivën e vet kur të vijë në pushtet. Per kohën kur opozita nuk është në pushtet, rendin dhe sigurinë e ka qeveria por rendin dhe sigurinë e ka marrë Shullazi dhe Edvin Shullazi. Atëherë dhe një herë them se jo opozita, por qytetarët janë më të pasigurtë se kurrë dhe unë prap i këshilloj të kërkojnë të armatosen në përputhje me ligjet e vendit
PYETJE: Nuk tërhiqeni nga qëndrimi?
BERISHA: Absolutisht kurrë. Në asnjë mënyrë, pse do tërhiqem.
