Meghan Markle dhe Princ Harry së shpejti do të bëhen prindër për herë të parë, por dyshja ka deklaruar prej kohësh se gjininë e foshnjës do ta zbulojnë vetëm kur ai/ajo të vijë në jetë. Mirëpo, së fundmi një detaj po qarkullon kudo në internet dhe mund të ketë nxjerrë zbuluar gjininë e bebushit mbretëror.
“People” shkruan se dukesha e Sussex do bëhet nënë e një djali. Dyshimet lindën pasi një nga mikeshat e saj është fotografuar teksa mbante në duar një dhuratë të mbështjellë me letër ngjyrë blu.
Abigail Spencer, mikesha e Markle, u fotografua nga paparacët teksa shkonte drejt hotelit luksoz në New York, aty ku mendohet se mikeshat do të bëjnë “Baby Shower-in” e bebit.
Fotografia e Abigail ka marrë mijëra ripostime dhe bazuar në stereotipin se bluja është ngjyra e djemve, në internet të gjithë janë në një mendje, princ Harry dhe dukesha do të bëhen prindër të një djali./E.M
