Skuadra e Interit dhe Barcelonës do të takohen javën e ardhshme për të vendosur për të ardhmen e mesfushorit Rafinha.
Lajmi është bërë i ditur nga vetë babai dhe agjenti i Rafinhas.
Zikaltrit me në krye teknikun Luciano Spaletti kanë deklaruar se nuk do të paguajnë më shumë se 35 milionë euro tek Barcelona për të marrë mesfushorin.
“Ne ende jemi duke pritur. Interi dhe Barcelona do të takohen javën e ardhshme për të zgjidhur këtë problem por nuk dihet çfarë do të ndodh”, ka thënë agjenti i Rafinhas.
Gjithashtu agjenti foli edhe për mosgrumbullimin për në Botëror ku tha se lënia jashtë nga trajneri erdhi si pasoje e lëndimeve që lojtari kaloi gjatë sezonit, ku dhe theksoi se tani shpreson që mos të lëndohet përsëri.
