Rajoni

Integrimi/ Zaev sërish thirrje BE: Evropa të mbajë premtimet


Bëhu pjesë e Grupit Zyrtar të Opinion.al
>> KËTU <<
               Publikuar në : 17:44 - 15/05/21 |
Opi Nion

Kryeministri i Maqedonisë së Veriut, Zoran Zaev, i ka bërë sërish thirrje Bashkimit Evropian që ta mbajë fjalën dhe premtimet për të mbajtur konferencën e parë ndërqeveritare. Sipas Zaev, 26 vendet anëtare jo vetëm që japin mbështetje, por kanë edhe përgjegjësi para vetes së tyre se duhet të bëjnë diçka.

“Një gjë është e qartë. Të paktën të pastrohet se nuk do të ketë ndarje. Dy vendet vazhdojnë së bashku, por e jona është ajo që varet prej nesh. Treguam se cilat janë kufijtë tanë, deri ku mund të shkohet dhe njëkohësisht kërkojmë dhe presim që Evropa të mbajë premtimet”.

Kryeministri Zaev, tha se gjatë kësaj periudhe pritet të intensifikohen kontaktet e të gjithë liderëve të BE-së me Maqedoninë e Veriut dhe me Bullgarinë, transmeton Klan Macedonia.

“Më 22 Qershor mbahet Këshilli i Ministrave të BE-së ku merret vendimi. Konform presidencës bullgare, më 23 Qershor është projektuar konferenca e parë ndërqeveritare. Projeksionet janë të shkëlqyera vetëm duhet të realizohen”.– tha Zaev./Opinion.al

Pas