Kryenegociatori i Shqipërisë me BE-në Zef Mazi, ka folur ditën e sotme në Këshillin Kombëtar për Integrimin Europian, sa i përket pozitave të Shqipërisë në këtë proces.
Mazi është shprehur se tashmë është në fushën tonë topi sa i përketë integrimit në BE. Ai ka theksuar, ndër të tjera se për të patur sukses duket konsensus në politikën e brendshme ndërsa në politikën e jashtme një sjellje europiane.
“Edhe presidenca portugeze e ka në prioritet brenda këtij siemtri, kjo kohë kërkon angazhim të plotë. Ne jemi të vetëdijshëm se negociata do të zhvillohen me metodologjinë e re, do jetë më rigoroze. Sipas metodologjisë së re, nëse nuk do të ketë progres do të ketë regres.
Të vazhdohet sjellja europianë ne politikën e jashtme, objektivi ynë është që të bëjmë progres pa u ndal, kjo nënkupton konsensus dhe komunikim në politikën e brendshme.
Në BE nuk integrohen partitë politike, unë besoj që duhet të flasim në një zë, me vepra po integrimit në BE. Rezultatet dhe rritjet tona, janë domethënëse, topi mbetet në portën tonë për sa kohë nuk është më në fushën e BE. Duhet të vijojmë përpjekjet në të gjitha forcat që të zbatojmë vendimin e tij të marsit 2020 me miratimin e kornizës negociuese dhe miratimin e datës së konferencës së parë qeveritare. Unë shpresoj se në paraqitjen e herës tjetër besoj se do të kem mundësinë që të jap lajme të mira”, tha Mazi./Opinion.al
