-Teknologji

Instagrami nuk i ndahet skandaleve, vidhen të dhënat e miliona përdoruesve


               Publikuar në : 14:48 - 08/08/19 |
el ida

Kompania partnere e Instagramit në marketing, Hyp3r, me bazë në San Francisko ka përdorur mjete të ndryshme me qëllim mbledhjen e të dhënave publike nga Instagrami, përfshirë këtu postimet apo vendndodhjet e përdoruesve.

Më pas, të dhënat e grumbulluara shiteshin te klientët e vetë për të synuar reklama.

I gjendur në një situatë të tillë, Instagrami, i cili është bërë disa herë pjesë e skandalave të tilla i dërgoi një letër paralajmëruese kompanisë Hyp3r.

“Veprimet e HYP3R nuk u sanksionuan, por ata shkelnin politikat tona. Si rezultat, ne i kemi hequr nga platforma jonë. Ne kemi bërë gjithashtu një ndryshim të produktit që duhet të ndihmojë në parandalimin e kompanive të tjera që të marrin të dhënat e vendndodhjes në këtë mënyrë”, deklaroi një zëdhënës i Facebook për ‘TechCrunch”.

Përpos të dhënave të lartpërmendura, Hyp3r mblodhi të dhëna edhe nga Insta Stories, të cilat pas 24 orëve nuk janë më të aksesueshme nga mjetet që Instagrami vë në dispozicion të palëve të treta. Kështu, nëse kompania nuk zbaton politikat fikse të Instagramit, ky i fundit do ta padisë./Opinion.al

Pas