Bota

Infektohet me COVID-19, ndihmësi i ngushtë i zv. presidentit të SHBA


Bëhu pjesë e Grupit Zyrtar të Opinion.al
>> KËTU <<
               Publikuar në : 20:23 - 25/10/20 |
Al Do

Një ndihmësi i ngushtë i zv. presidentit të SHBA, Majk Penc ka rezultuar pozitiv me COVID-19, njoftoi një zëdhënës i zyrës të shtunën vonë në mbrëmje.

“Sot Mark Short, shefi i stafit të zv. presidentit rezultoi të jetë infektuar me COVID-19. Ai ndodhet në karantinë dhe po ndihmon në procesin e gjurmimit të kontakteve”, tha Devin O’Mallei, i cili shtoi se zoti Penc dhe bashkëshortja e tij, Karen, rezultuan negativë të shtunën dhe se ishin mirë me shëndet. Zoti Penc “do të vazhdojë me axhendën e tij në përputhje me udhëzimet e Qendrave për Kontrollin e Sëmundjeve për personelin thelbësor”, tha zoti O’Mallei.

Të dielën zv. presidenti do të marrë pjesë në një tubim fushate në Karolinën e Veriut. I pyetur në lidhje me zotin Short pas kthimit në Uashington të shtunën në mbrëmje në përfundim të tubimeve në tre shtete, Presidenti Donald Tramp tha se: “sapo dëgjova mbi këtë çështje. Ai ndodhet në karantinë. Do të bëhet mirë”./ VOA

Pas