Aktualitet

Infektivi drejt mbushjes, brenda javës hapet spitali “Covid 3”


Bëhu pjesë e Grupit Zyrtar të Opinion.al
>> KËTU <<
               Publikuar në : 15:50 - 31/08/21 |
Opi Nion

“Kapacitetet e spitalit Covid 1 janë drejt ezaurimit për shkak të rritje së numrit të të shtruarve në spital. Për këtë arsye, brenda javës pritet të hapet dhe spitali Covid 3 me 150 shtretër, pasi spitali Covid 2 i njohur si Sanatoriumi ka kaluar në funksionet e tij normale”.

Covid 3 apo i njohur ndryshe si ish-kirurgjia e vjetër do të shërbejë si strukturë mbështetëse për Covid 1. Të gjithë pacientët e shëruar nga Covid, por që kanë nevojë për trajtim të mëtejshëm spitalor, do të zhvendosen tek Covid 3.

Në Spitalin Infektiv aktualisht janë të shtruar afërsisht 100 pacientë dhe afro 15 % e tyre janë në gjendje të rëndë për shkak të komplikacione nga Covid. Afërsisht 95 % e të shtruarve janë të pavaksinuar.

Sipas ekspertëve, vala e Covid në Shqipëri ka mbërritur më parë se vjeshtë dimri, duke sjellë rritje të numrit të infektimeve dhe të shtruarit të spital. Për këtë arsye, muaji Shtator do të jetë muaji i hapur për të gjithë personat mbi 18 vjeç që duan të vaksinohen, për të rritur mbulesën vaksinale në vend./Tv Klan

Pas