Vijon të mbetet mister prezenca e dy rusëve dhe ukrainas në uzinën e Gramshit , të cilët u arrestuan nga policia dhe akuzohen se punojnë për shërbimet sekrete ruse.
Në momentin e që janë futur në uzinë, kanë qenë dy ushtarë shqiptarë që i ndaluan, por ata u sulmuan me spray neuro-paralizues dy ushtarë shqiptarë.
Në emisionin “Opinion”, Visha thotë se dy rusët dhe ukrainasi të cilët u kapën në uzinën ushtarake në Gramsh janë të apasionuar që të fotografojnë vendet postkomuniste.
Saimir Visha: Unë po ju them se janë sot të traumatizuar.
Blendi Fevziu: Çfarë pretendon klienti yt?
Saimir Visha: Jam bloger pretendon klienti dhe në Shqipëri kam ardhur siç kam ardhur në shumë vende të botës postkomuniste. Ata janë të apasionuar që të fotografojnë vendet postkomuniste. Ata i ka bashkuar i vetmi hobi që kanë. Në lidhje me Mikaelin, është marrë në kundërshtim me të gjitha procedurat, nuk ka pasur asnjë përkthyes. Është trembur sepse ulërimat e rojes ndal dhe mos lëviz nuk kanë qenë të kuptueshme për Mikaelin.
Para hetuesve tre të arrestuarit kanë mohuar se po kryenin aktivitet spiunazhi duke u deklaruar si fotografë eksplorues në kërkim të vendeve historike dhe ushtarake. Deklarimet e dhëna mbështeten edhe nga aktiviteti i postuar në rrjetet e tyre sociale.
Megjithatë, për hetuesit që dyshojnë se ata janë pjesë e agjenturave të huaja pretendimet e tyre nuk janë të besueshëm, kjo për shkak të agresivitetit të treguar në përplasjen me ushtarët dhe mosbindjes së urdhrit të dhënë nga ata.
