Politikë

Inceneratori i Tiranës/ PD paralajmëron padi penale: Vjedhje 400 mln euro


Bëhu pjesë e Grupit Zyrtar të Opinion.al
>> KËTU <<
               Publikuar në : 11:29 - 30/09/20 |
Al Do

Partia Demokratike ka paralajmëruar se do të depozitojë padi penale për inceneratorin e Tiranës.

Ajo akuzon qeverinë dhe Bashkinë e Tiranës se kanë vepruar si grup i strukturuar kriminal për të vjedhur 400 milionë euro.

Në një postim në Facebook, përfaqësuesi për çështjet ligjore në PD, Çlirim Gjata shkruan se me inceneratorin e Tiranës ka patur veprime të paramenduara dhe planifikuara në dëm të interesit publik.

“Qeveria e Edi Ramës dhe Bashkia e Tiranës, e drejtuar nga Erion Veliaj, kanë vepruar si një grup i strukturuar kriminal në lidhje me ndërtimin e inceneratorit të Tiranës. Me inceneratorin e Tiranës ka patur veprime të paramenduara dhe planifikuara, duke nisur nga Edi Rama dhe Erion Veliaj, në dëm të interesit publik. Bëhet fjalë për një biznes ku shteti do të paguajë rreth 400 milionë euro tek privati që fshihet në parajsë fiskale dhe askush nuk e di kush është. Hetimi limonatë për “pabarazi në tendera” është tallje me djersën e shqiptarëve”, lexohet në një deklaratë të PD-së.

“Partia Demokratike do të depozitojë shumë shpejt padinë e vërtetë penale për inceneratorin e Tiranës. Bashkëpunimi kriminal i këtij pushteti për të përfituar kundër interesit të qytetarëve, do të duhet të ndëshkohet!”, shton Partia Demokratike./ Opinion.al

PD paralajmëron padi penale për inceneratorin e Tiranës: U veprua si grup i strukturuar kriminal për të vjedhur 400 milionë euro.

Posted by Partia Demokratike e Shqipërisë on Wednesday, September 30, 2020

 

Pas