Presidenti Ilir Meta ka reaguar pas publikimit të opinionit përfundimtar të Komisionit të Venecias, për anulimin e datës së zgjedhjeve lokale. Sipas kreut të shtetit, opinioni përfundimtar pësoi ndryshime thelbësore nga projekti paraprak.
Presidenti thekson se ndër konkluzionet kryesore u evidentua se:
-Presidenti i Republikës nuk ka shkelur Kushtetutën dhe nuk ka tejkaluar kompetencat e veta kushtetuese.
-Presidenti i Republikës pati qëllim legjitim, që synonte shmangien e gjakderdhjes, mbrojtjen e pluralizmit politik, ruajtjen e stablitetit dhe të kredencialeve demokratike të vendit.
-Kompetencat kushtetuese të Presidentit nuk janë formale.
-Dekretet e Presidentit janë në fuqi dhe nuk u sfiduan përpara asnjë gjykate.
-Zgjedhjet parlamentare kanë status më të lartë kushtetues se zgjedhjet vendore.
“Presidenti i Republikës shpreh keqardhjen që gjatë katër muajve u shpërdoruan energji që do të duhet të ishin në shërbim të integrimit europian të Shqipërisë dhe vendimit të shumëpritur për çeljen e negociatave të anëtarësimit në BE”, theksohet në deklaratë. / Opinion.al
LEXO EDHE- Konkluzionet, çfarë thotë “Venecia” për vendimin e Metës
