Politikë

Ilir Beqaj flet për ndryshime në qeveri 7 muaj para zgjedhjeve


Bëhu pjesë e Grupit Zyrtar të Opinion.al
>> KËTU <<
               Publikuar në : 14:10 - 08/09/20 |
Al Do

Kryeministri Rama emëroi javën e shkuar ish-ministrin Ilir Beqaj, drejtues politik të Shkodrës. Sot Beqaj zhvilloi një takim me strukturat e PS së rrethit.

Mbledhja e parë është formale, prezantuese edhe pse njihem prej vitesh. Për mua është privilegj që kthehem në Shkodër. Fillimisht puna jonë do përqendrohet në gjithë qarkun për zgjedhjet parlamentare. Kemi një boshllëk një vjeçar në punën e partisë dhe duhet të punojmë shumë. Zgjedhjet lokale janë çështje që i di Presidenti, po zgjedhjet një ditë do të bëhen. Sigurisht që jam i vetëdijshëm për problemet e partisë dhe drejtorëve. Drejtorët nuk janë një punë e imja por do shohim se si kanë punuar sepse kur vjen puna për legalizime ose funksione të tjera nuk ka të majtë e te djathte. E kam pranuar me dëshirë propozimin e kryeministrit sepse në Shkodër e kam filluar politikën aktive. Në marrëdhëniet me kryeministrin kam një marrëdhënie sy më sy që zgjat shumë pak vendimmarrja”, tha Beqaj.

Beqaj tha se ndryshimet në qeveri 7 muaj para zgjedhjeve nuk janë të lehta për t’u bërë por nuk i përjashtoi si mundësi duke iu referuar të shkuarës.

“Prej kohësh kemi rënë dakord që në PS është ekskluzive e kryeministrit, ndryshime 7 muaj para zgjedhjeve nuk janë të lehta se krijojnë një boshllëk në dikaster, por ne kemi pasur edhe raste që i kemi ndryshuar para 3 muajsh, Por i takon kryeministrit”, tha ai.

Sa për problemet e PS në Shkodër, Beqaj nuk ia faturoi Ditmir Bushatit. Ai tha se “Bushati ka 14 muaj që e ka lënë PS, Shkodër dhe nuk mund të themi si e la ai PS këtu”.

Ish-ministri i Shëndetësisë foli dhe për çështjen e drejtorive të zhvendosura nga Shkodra në Lezhë për të cilat ka patur pakënaqësi të mëdha.

Besoj se kjo është një temë e gjatë dhe do të dojë më shumë kohë për të kuptuar konceptin e rajoneve. Duhet të jemi të vetëdijshëm që pasi krijohen drejtoritë e rajoneve që kanë tre qarqe nuk është normale që të gjitha drejtoritë të jenë në një qark edhe pse Shkodra ka rrezatuar në gjithë Shqipërinë. Nëse vendosim peshore farmacie se a duhet të jetë arsimi apo ndonjë tjetër është një çështje tjetër. Opinioni shkodran është i ngarkuar me këtë gjë dhe duhet të punojmë shumë më tepër. Përmirësimi i infrastrukturës rrugore apo edhe shërbime të tjera të mos krijojnë barriera për qytetaret”,- u shpreh Beqaj.

Sa për kandidatet për deputet në Shkodër, drejtuesi politik i qarkut tha se do të merret me të gjithë.

Në ketë fazë jemi shpejt për të kaluar tek kandidaturat. Kemi një ndryshim me opozitën sepse bërthamën e parë e kemi nga deputetët ekzistues. Duhet të shohim se cila pjesë e listës do jetë e hapur dhe cila jo”.

Pas