Tre persona janë arrestuar nga policia e Kapshticës ndërsa dy doganierë janë proceduar penalisht për shkak se akuzohen se kanë kaluar një sasi barnash pa detyrimet e nevojshme doganore.
Në kuadër të operacionit të koduar “Farmacia”, u arrestua Y.C, 47 vjeç, banues në Korçë, R.N, 35 vjeç, banues në Tiranë, R.Xh, 58 vjeç, banues në Korçë.
Ndërkohë, të proceduarit janë K.P, 39 vjeç, banues në Bilisht, Xh, 52 vjeç, banues në Pogradec,që të dy me detyrë doganierë pranë Doganës së Kapshticës.
Policia sekuestroi në cilësin e provës materiale një sasi medikamentesh të dyshuara kontrabandë, kush R.Xh. bënte kalimin në mënyrë të kundërligjshme, nga Greqia drejt Shqipërisë, nëpërmjet Pikës së Kalimit Kufitar të Kapshticës, duke shmangur detyrimet doganore.
Mbi ta rëndojnë akuzat “Kontrabanda me mallra të licencuara”, “Tregtimi dhe transportimi i mallrave që janë kontrabandë”, “Fshehja e të ardhurave”, “Shkelja e të drejtave të pronësisë industrial” dhe “Shpërdorimi i detyrës./ Opinion.al E.Xh.
