Kreu i PDIU, Shpëtim Idrizi ka zhvilluar një takim me strukturat e partisë në Tiranë. Gjatë fjalës së tij lëshoi akuza te forta per vjedhjen e votave qe iu bë PDIU gjatë zgjedhjeve të fundit, duke thënë se PDIU u rrit me 35% në zgjedhjet parlamentare të kaluara, por votat u vodhën nga maxhoranca. Ai i bëri thirrje Edi Ramës to mbajë duart larg nga PDIU dhe Çamëria.
“Ne kërkojmë atdheun tonë dhe nuk kërkojmë pronat. Ne jo vetëm kemi marrë mandatin e Tiranës dhe Fierit, por u rritëm me 35% në këto zgjedhje. Votat u vodhën nga kjo mazhorancë. Por ne jemi të gjallë dhe jemi në këmbë, pavarësisht se nuk kemi përfaqësim politik. Ne sot nuk jemi në parlament, por do jemi më të fortë për t’u dëgjuar zëri i shqiptarëve. I bëj thirrje Edi Ramës, larg duart nga PDIU dhe nga Çamëria se boll të kemi duruar deri më sot”- tha Idrizi./E.M
