Kronikë

I vunë gjobë biznesmenit në Bulqizë, kapet një nga autorët (Emri)


Bëhu pjesë e Grupit Zyrtar të Opinion.al
>> KËTU <<
               Publikuar në : 11:48 - 24/06/20 |
Al Do

Policia ka vënë në pranga një nga personat në ngjarjen e 19 qershorit ku biznesmeni Gëzim Balla u kërcënua me jetë dhe iu kërkuan 10 mijë euro.

I arrestuar është Albani Tançi, 27 vjeç, banues në fshatin Vajkal, Bulqizë.

Ky shtetas dyshohet se është bashkautor i ngjarjes së ndodhur më datë 19 qershor, në qytetin e Bulqizës, ku në bashkëpunim me shtetasin F. Sh., kanë kërcënuar për gjobëvënie një biznesmen, si dhe kanë qëlluar me armë zjarri në ajër në momentin që kanë konstatuar se po ndiqeshin nga Policia.

Rezulton se për këtë shtetas, Gjykata e Shkallës së Parë Dibër, në qershor 2019, ka caktuar masën e sigurisë “Arrest në burg” në mungesë, për veprat penale “Vrasja me paramendim, mbetur në tentativë” e kryer në bashkëpunim dhe “Armëmbajtja pa leje”.

Ky shtetas, më datë 16.06.2019,  në vendin e quajtur “Unaza e Re” Bulqizë, në bashkëpunim me vëllanë e tij M. T., i cili është arrestuar pas ngjarjes, ka qëlluar me armë zjarri, për motive të dobëta, në drejtim të shtetasit B. D. i cili mbeti i plagosur në dorë, jashtë rrezikut për jetën.

Operacioni vijon për kapjen e shtetasit F. Sh., për gjobëvënie dhe armëmbajtje pa leje.

Materialet hetimore shtesë do t’i kalojnë Prokurorisë Dibër, për veprat penale “Vrasja me paramendim e mbetur në tentativë” , e kryer në bashkëpunim dhe “Armëmbajtja pa leje”. /Opinion.al

Pas