Dy persona nga Fushë Kruja janë paraqitur të plagosur me armë zjarri në spitalin Ushtarak në Tiranë. Sipas informacioneve paraprake njëri nga të plagosurit është shtetasi Gentjan Bejtja i cili dy vjet më parë i shpëtoi një atentati me minë të telekomanduar. Bejtja ishte personi që së bashku me Enver Stafukën vodhën veturën e përdorur në vrasjen e kryekomisar Dritan Lamajt në vitin 2013.
Ndërkohë, personi tjetër i plagosur është Klodian Stafuka.
Ende janë të paqarta rrethanat apo vendi ku janë plagosur dy personat, ndërsa inspektorë të krimeve të komisariatit Krujë janë nisur në drejtim të spitalin Ushtarak./Opinion.al
