Kronikë

I plagosur në shpatull, atentati ndaj Çapjas me snajper me numër të fshirë


Bëhu pjesë e Grupit Zyrtar të Opinion.al
>> KËTU <<
               Publikuar në : 12:30 - 08/06/20 |
Al Do

Nën masa të rrepta sigurie, Ardian Çapja është transportuar tek spitali i Traumës në Tiranë.

Mëngjesin e sotëm ai është qëlluar në hyrje të banesës së tij me armë zjarri. Dyshohet se në atentat është përdorur snajper.

Policia njoftoi se 55-vjeçari është paraqitur “rreth orës 09:37 në urgjencën  e spitalit Elbasanit  për ndihmë mjekësore.

Familjarët e mohuan që ai të jetë plagosur me armë zjarri.  Ata pretendojnë se Ardian Çapja është rrëzuar dhe lënduar duke punuar në banesën e tij dhe se nuk i kanë bërë atentat.

Por në spitalin e Traumës raportohet se ai po mjekohet për një plagë plumbi në shpatull dhe një tjetër në kokë e cila mendohet t’i jetë shkaktuar nga rënia.

Ndaj Çapjas është qëlluar në distancë në pjesën e pasme të shtëpisë së tij. Autorët duket se nuk kanë patur mundësi për një goditje të dytë dhe janë larguar.

Në zonën e Fushë-Mbretit në Elbasan është gjetur reth orës 09:43, një mjet tip “Volkswagen”. Për shuarjen e zjarrit kanë shkuar forcat zjarrfikëse dhe gjatë punës për shuarjen e zjarrit është plagosur në këmbë, jashtë rrezikut për jetën, një punonjës i zjarrfikëses. Dyshohet së plagosja është shkaktuar si pasojë e plasjes së plumbave që mund të kenë qenë në bagazhin e automjetit.

Sipas gazetares Klodiana Lala në bagazh është gjetur një snajper me numër të fshirë.

Ky është automjeti që dyshohet se kanë përdorur autorët në atentatin ndaj Çapjas. Por policia është ende duke hetuar ngjarjen. /Opinion.al

Pas