Presidenti i vendit Ilir Meta gjatë një takimi online të Këshillit Rinor të Ballkanit është shprehur se nuk është penduar për zgjedhjen e detyrës që mban. I pyetur nëse do të kishte qenë më më mirë të qëndronte në krye të LSI, Meta tha se ka qenë i ndëgjegjshëm në vendimin për presidencën.
Pyetje: A jeni bëri pishman për marrjen e kësaj detyre? A do të ishte më i mirë kontributi juaj në ekzekutiv apo në krye të LSI?
Meta: Së pari të jeni të sigurt që unë jam natyrë luftarake dhe energjike. Kur erdhi dhjetori pata si ditë reflektimi, u binda që nëse do kishim pritur nga prindërit tanë për një ndryshim regjimi, ky ndryshim kurrë nuk do të kishte ndodhur. Kishin një mijë halle. Ndërsa të rinjtë, shpirti i guximit i hedh tutje këto frikëra dhe dilema.
Unë nuk është se këtë detyrë e kam pranuar i pandërgjegjshëm. Absolutisht nuk jam i penduar. Përpiqem ta bëj me përgjegjshmëri maksimale. Kuptohet në një situatë me parlament njëpartiak, pa gjykatë kushtetuese, që e kanë bërë jo funksional shtetin e së drejtës, dhe ka shtuar këto probleme që ne po flasim për të rinjtë. Ju jap fjalën që do vazhdoj të mbetem gjithmonë i ri, do mbetem luftarak për të luftuar për çështje të drejta dhe që i krijojnë një perspektivë më të mirë të rinjve. Nuk jam penduar asnjëherë, duhet t’i trefishojmë përpjekjet në këtë drejtim.
