Një 40-vjeçar shqiptar ka humbur jetën një tjetër është plagosur si pasojë e një aksidenti të rëndë në Greqi. Sipas mediave greke, ngjarja ka ndodhur në Trikala rreth orës 02:30 të mëngjesit të kësaj të diele.
Mësohet se makina ku po udhëtonin dy shqiptarët u përplas me një shtyllë betoni. Në vendngjarje mbërritën forcat e policisë, ambulance dhe zjarrfikësit.
Nga automjeti i dëmtuar u nxorr trupi i pajetë i 40-vjeçarit shqiptar si dhe i të plagosuri, i cili ka të njëjtën moshë me viktimën.
I plagosuri u dërgua në spital për të marrë mjekimet e nevojshme.
Identiteti i tyre nuk është bërë ende i ditur, ndërkohë sipas policisë dyshohet se shkak për aksidentin është bërë shpejtësia tej normave të lejuara, duke çuar në humbjen e kontrollit të automjetit./Opinion.al/
