Kronikë

I mori rrjedha e ujit, pas 16 orësh kërkime gjenden trupat e pajetë të babë e bir



Bëhu pjesë e Grupit Zyrtar të Opinion.al
>> KËTU <<
               Publikuar në : 08:52 - 21/11/22 |
Opi Nion

Trupat e pajetë të babë e bir të cilët i mori rrjedhja e ujit të përroit ditën e djeshme në Malësinë e Madhe, janë gjetur mëngjesin e ditës së sotme.

Policia bën me dije se trupat e pajetë u gjetën përgjatë përroit në Bogë, pas 16 orësh kërkime intensive nga polumbarët e RENEA-s, grupi i evakuim-shpëtimit, grupi alpin i FNSH Shkodër, emergjencat civile dhe shërbimet e Komisariatit të Policisë Malësisë së Madhe.

“Në vijim të informacion të dhënë mesditën e djeshme se në vendin e quajtur “Grykë Lugje”, në njësinë administrative Shkrel, Malësi e Madhe, rrjedha e ujit të përroit kishte marrë përpara një automjet me të cilin udhëtonin tre persona, banorë të zonës. (babai, djali dhe vajza), ju bëjmë me dije se: Pas 16 orë kërkimesh intensive, gjatë pasdites së djeshme, gjatë natës dhe gjatë mëngjesit të sotëm, nga polumbarët e RENEA-s, grupi i evakuim-shpëtimit, grupi alpin i FNSH Shkodër, emergjencat civile dhe shërbimet e Komisariatit të Policisë Malësi e Madhe, në gjatësinë e përroit, në Bogë, u bë e mundur gjetja e dy trupave (babë e bir)”-njofton policia.

50-vjeçari Pjetër Rushaj po udhëtonte me makinë së bashku me djalin dhe vajzën e tij. Rrjedha e ujit mori përpara makinën e tyre. Fatmirësisht vajza mundi të dilte pasi u ndihmua nga banorë të zonës. Ndërsa për fat të keq, at e bir nuk ja dolën dot dhe si pasojë humbën jetën.

Pas