Aktualitet

I mituri vdiq në kopësht, familjarët: S’mund të jetë mbytur në atë lartësi


Bëhu pjesë e Grupit Zyrtar të Opinion.al
>> KËTU <<
               Publikuar në : 10:23 - 10/01/22 |
Opi Nion

Familjaret e 3-vjeçarit që humbi jetën në një kopësht privat në Fier janë mbledhur mëngjesin e kësaj të hëne përpara prokurorisë. Në një deklaratë për mediat ata kanë hedhur dyshime për atë ç’ka grupi hetimor ka deklaruar deri tani. Ata thonë se i mituri nuk mund të jetë mbytur në atë lartësi, sikurse është thënë nga autoritetet.

Në një deklaratë për mediat, daja, Durim Kaja ka thënë​ “Jemi drejtuar para prokurorisë së Fierit për një hall që mos i ndodhtë askujt, asnjë prindi. Mos e paftë këtë hall që na ka rënë. Kemi çuar fëmijën në çerdhe si të gjithë fëmijët e tjerë dhe na vjen lajmi që na ishte mbytur. Dua që ju mediat të shkoni ta kontrolloni në një vend 60 pont lartësia, kur ne fëmijët e kemi mbi 80 pont. Të tërë që jeni ju këtu nëse do e shikoni po ka mundësi që fëmija të jetë mbytur vetë atje do jem i pari që do t’ju kërkoj falje. Ne dyshojmë te ai vend ata thonë që fëmija është mbytur këtu me një kapëse që sapo ta kapte alumini ai të mbeste në dorë. Vajtëm e pamë dje vendin. Vajtëm si njerëz dhe u kënaqëm shumë se na thanë do të shikoni realitetin. Kur e pamë atë lartësi jemi shokuar”.

Mes lotësh nëna e 3-vjeçarit, Donalda Kodheli ka rrëfyer sesi e ka marrë vesh lajmin e trishtë.

“Edukatorja më ka gënjyer. Më ka marrë mua të parën në telefon dhe më ka thënë është mbytur me litarët e bluzes dhe është në gjendje të mirë, është përmendur. Dhe në momentin që unë kam vajtur në spital, më ka thënë që është futur në sallë të operimit. Në momenti që unë i them pse është futur në sallë, doktori më thotë që fëmija ka ardhur pa jetë këtu”, shprehet ajo

“Presidenti i kopshti ka ardhur te shtëpia dhe më ka kërkuar dhe më ka thënë që do ta nxjerr unë të vërtetën. Ka thënë që ka kamera kopshti në çdo cep. Kur vajtëm dje na tha ka vetëm 6 kamera. Vendi ku thotë ai që është vrarë çuni nuk ka mundësi në botë. Ato kapëse që thotë ai të mbesin në dorë. Si të jetë e mundur të vritet një fëmijë 15 kg te ato kapëse. Kopshti sot është i hapur”, shprehet ajo./Opinion.al

Pas