Samir Mane është biznesmeni më i pasur në Shqipëri, i cili njihet për investimet e suksesshme në vend.
Për disa vite me radhë, ai është renditur në krye të listës për pasurinë e tij në vendin tonë. Por si i shpenzon paratë? Sonte Samir Mane ishte i ftuar në emisionin “Në kurthin e Piter Pan” në Tv Klan. Pyetja e njërit prej fëmijëve shkaktoi shumë të qeshura në sallë.
“Kur ikën në pube (lokal nate), a i mbulon femrat me lekë”?
Samir Mane: “Në fakt unë shkoj pak nëpër pube, po e kam shumë inat kur i hedhin lekët ashtu. Nuk e bëj kurrë”.
Alketa: “Një njeri që i provon me punë dhe me djersë, asnjëherë nuk i shpërdoron paratë ashtu që t’i hedhi. Tradita më kot që kemi ne shqiptarët, më falni që po e nënvizoj, është hedhja e parave në martesa. Kjo është gjëja më absurde dhe më e çuditshme që mund të ndodhë”. /tvklan.al
