Kronikë

I maskuar si pastrues rrugësh, pamjet kur vrasësi ruante shqiptarin Flamur Beqiri


Bëhu pjesë e Grupit Zyrtar të Opinion.al
>> KËTU <<
               Publikuar në : 19:43 - 26/11/21 |
Opi Nion

Momentet e mëposhtme të publikuara nga mediat britanike tregojnë një person të dyshimtë që i veshur si punonjës pastrimi kalonte para shtëpisë së shqiptarit Flamur Beqiraj duke planifikuar kështu vrasjen e tij.

Pamjet e kamerave të sigurisë tregojnë 24-vjeçarin Anis Hemissi, të maskuar që qëndron për më shumë se katër orë jashtë shtëpisë të Beqirit, në Battersea, në jug-perëndim të Londrës.

Hemissi akuzohet se ka qëlluar me armë z. Beqiri në sy të gruas dhe djalit të tij dy vjeçar në prag të Krishtlindjeve 2019, pas një grindjeje të ashpër mes bandave rivale kriminale suedeze.

Të enjten, pamjet i kaluan trupës gjykuese. Ato tregojnë momentet kur Hemissi, i riu me origjinë suedezo-tuniziane kontrollonte pronën gjatë ditëve që po planifikohej vrasja. Në njërën prej filmimeve, ai shihet i veshur si pastrues rrugësh, me një maskë, syze dhe rroba pune ndërsa mblidhte mbeturina për t’i hedhur brenda një qeseje.

Në një klip, ai shihet i veshur si pastrues rruge, me një maskë latex, syze dielli dhe rroba pune si dhe me vëmendje të lartë, ndërsa mbante një qese të zezë mbeturinash në duar.

Pamjet e kamerave të sigurisë e tregojnë atë duke ecur vazhdimisht përpara dhe mbrapa pronës me një qese vazhdimisht të zbrazur.  Tek një banor i zonës Jeremy Lyons, që po shëtiste me qenin e tij kjo situatë krijoi dyshime . Ai afrohet dhe e pyet: ‘Më falni, për kë punoni? Për kë punoni?’ dhe më pas largohet duke i thënë: “Ikni që këtu ju lutem”.

Një ditë tjetër, duke ruajtur shtëpinë përsëri ai shfaqet në video i veshur me një xhup e syze të zeza.

36-vjeçari shqiptar nga Kosova u ekzekutua në sy të bashkëshortes dhe djalit përpara shtëpisë së tij në Londër më 24 dhjetor të 2019. Për vrasjen e tij janë arrestuar 4 persona të akuzuar për vrasjen, ndërsa personi që ruante videon dyshohet se është bashkëpunëtori i tyre./Opinion.al

Pas