Sot në rubrikën “Ka një mesazh për ty” në programin “E diela shqiptare” u njohëm me historinë e Nazmies dhe Xhelimes, nuse dhe vjehrrë. Për mbi 20 vite ato kanë jetuar nën një çati, por tani që mban të njëjtin status, Nazmia ndihet fajtore për mënyrën si është sjellë me të vjehrrën.
Ajo pranon që e ka dashur gjithmonë por nuk dinte sesi ta shprehte, teksa shtoi se nëse i ka borxh një njeriu, ajo është vetëm e vjehrra.
“Jam e martuar me tre fëmijë, një vajzë dhe dy djem të martuar me dy nuse të mrekullueshme që më kanë dhuruar një nip dhe një mbesë. Një djalë e kam në shtëpi, ndërsa tjetrin e kam në Itali, nusja që jeton me mua më ka sjellë këtu sot. Atë që ka bërë ajo për mua unë s’ja kam bërë vjehrrës. Më dukej normale që i flisja vjehrrës kur doja, bëja çfarë doja, e takoja kur doja. Gjithmonë e kam dashur, por asnjëherë nuk e kam shprehur. Unë jam martuar në vitin 1985 dhe kam jetuar me burrin në Tiranë, në 97-ën ata vijnë nga Librazhdi për të jetuar në Tiranë. Shita shtëpinë që kisha dhe u zhvendosa tek vjehrra, jetuam bashkë 13 veta në një shtëpi sa të ndërtonim shtëpinë e re. Unë isha mësuar që bëja çfarë doja, kisha jetën time. Një vit pas bashkëjetesës dhe sherrit me burrin tim, më vdes babai nga një sëmundje. Mendoja se e vdiqën hallet e mia. Nga ai moment u ftoha pak me njerëzit e burrit. Sa herë zihesha me burrin, vjehrra bënte fajtor djalin e vet, ndërsa mami im i vinte fajin burrit. E vetmja që më fliste ishte vjehrra, unë bëja sikur nuk shikoja kur dilja, ndërsa ajo më fliste gjithmonë dhe më pyeste. Më thërriste bijë, unë vjehrrë. Nëse i kam sot borxh një njeriu, respekt dhe dashuri sot është vetëm vjehrra ime. Ajo ka pasur probleme shëndetësore, ka thyer këmbën, është bërë shumë e ndjeshme. Nuk e mendoja që e përjetonte kaq keq, i thoja ti je aktore. Zëri im dëgjohej deri poshtë. Në pozicionin që jam sot e kuptoj vjehrrën time,” tregoi Nazmia.
Xhemilja, edhe pse e paralizuar vjen në studion e programit “E Diela Shqiptare”.
Nazmia: Përshëndetje vjehrrë! Më the 50 emra dje, por emrin tim nuk e përmende. Unë të kam dashur gjithmonë siç të kanë dashur të gjithë, por ndoshta nuk ta kam shprehur. Kam ardhur këtu për të kërkuar falje për çdo gjë që të kam shkaktuar në jetë ty. Do të kërkoj falje për ato lot që ke derdhur për mua, për puthjet që s’ti kam kthyer kurrë. Ti asnjëherë nuk ke gabuar, je ndër ata pak persona që ke hyrë në zemrën time dhe s’ke dal asnjëherë. Ti e di që mami dhe babi më kanë vdekur, po ta them këtu para publikut dhe pse nuk e kam bërë kurrë ti je nëna ime për mua.
Xhemilja: Edhe ti je goca ime!
Nazmia: Unë kam ndjekur shembullin tënd dhe prandaj kam ato marrëdhënie të mira me nuset e mia sot. Të dua!
Xhemilja: Edhe unë të dua shumë! Njeriu nuk fryhet me bukë, por me dashuri, marrëdhënie të mira./Opinion.al
