Një grua 47-vjeçare në Krujë ka rënë në prangat policisë pasi posedonte 16 kg lëndë narkotike, ndërkohë që djali i saj 27-vjeçar është shpallur në kërkim.
Sipas policisë gjatë kontrollit të ushtruar në banesën e 47-vjeçares me iniciale D.M janë gjetur dhe sekuestruar në cilësinë e provës 16 kg lëndë narkotike e dyshuar e llojit kanabis.
47-vjeçarja ka rënë në prangat e policisë nën akuzën “Prodhimi dhe shitja e narkotikëve”, e kryer në bashkëpunim, ndërsa i biri,27-vjeçari me iniciale C. M është shpallur në kërkim.
Gjithashtu po procedohet në gjendje të lirë 73-vjeçari me iniciale Xh.M, I cili banon në Krujë. Materialet i kaluan Prokurorisë së Rrethit Gjyqësor Krujë./Opinion.al/
