Mediat greke kanë publikuar pamjet e rënda që vijnë pak sekonda pas plagosjes së shqiptarit të quajtur Esko, kreu i një bande kriminale në Greqi.
Ngjarja ndodhi ditën e djeshme gjatë një operacioni të policisë greke, e cila ndërhyri në kampusin e konvikteve të vjetra të studentëve në Athinë, për të goditur një bandë kriminale që vepronte në fushën e shpërndarjes së drogës, të grabitjeve dhe madje edhe rrëmbime.
30-vjeçari u qëllua me armë në këmbë nga policia greke pasi sulmoi me kaçavidë një oficere të policisë gjatë aksionit. Ai u plagos në këmbë dhe ndodhet në spital jashtë rrezikut për jetën.
Sikurse shfaqet në video shqiptari është i shtrirë përtokë i gjakosur dhe i rrethuar nga forcat speciale .
Sipas mediave greke shqiptari goditi me kaçavidë një police duke e lënë të plagosur. Kjo e fundit u detyrua ta qëllonte me armë në këmbë për të mbrojtur veten.
