Një gjykatës u qëllua për vdekje jashtë shtëpisë së tij në Maryland të Shteteve të Bashkuara të Amerikës.
Mediat e huaja shkruajnë se ai është identifikuar si Andrew Wilkinson, 52-vjeç, i cili ushtronte profesionin e gjyqtarit të asociuar të Gjykatës së Qarkut të Uashingtonit.
52-vjeçari mësohet të jetë qëlluar jashtë shtëpisë së tij dhe më vonë humbi jetën në spital.
Policia është në kërkim të të dyshuarit për vrasjen e gjyqtarit, i identifikuar si Pedro Argote, 49 vjeç, i cili sipas tyre është i armatosur dhe i rrezikshëm. Policia beson se Argote kishte në shënjestër gjyqtarin për një betejë paraburgimi.
Gjykatësi Wilkinson kishte mbyllur një çështje divorci që përfshin Argote dhe mbajti një seancë dëgjimore të enjten në mëngjes, sipas të dhënave të gjykatës në Maryland. Autoritetet thanë se Argote nuk mori pjesë në seancën dëgjimore, ku gjykatësi i dha kujdestarinë e fëmijëve të të dyshuarit nënës së tyre.
Ndërkohë pas seancës janë dëgjuar për të shtëna, ku më pas policia ka gjetur viktimën në rrugë, të gjakosur nga plagët e shkaktuara nga arma e zjarrit.
Wilkinson u bë gjyqtar në vitin 2020, pasi punoi si avokat për më shumë se 20 vjet. Autoritetet thanë se Argote nuk ka precedentë penalë, por ata e kishin vizituar shtëpinë e tij në të kaluarën për konflikte familjare./Opinion.al
