Identifikohet dhe shpallet në kërkim autori i atentatit të mbrëmshëm në Elbasan. Policia ka bërë me dije se ai që qëlloi me armë zjarri ndaj 42vjecarit, Qani Zylyfi, është 20 vjeçari me iniciale XH.R, banues në Elbasan.
“XH.R, 20 vjeç, banues në Elbasan ka qenë i dënuar më parë për veprën penale “Plagosje e rëndë me dashje dhe armëmbajtje pa leje” njofton policia.
Ky shtetas, gjatë ditës së djeshme, në lagjen “Visarion Xhuvani”, për motive të dobëta, dyshohet të ketë plagosur më armë zjarri shtetasin Q.A, 42 vjeç, banues në Elbasan, i cili u dërgua menjëherë në Spitalin Rajonal Elbasan dhe ndodhet jashtë rrezikut për jetën.
Sipas policisë, grupi hetimor, ka gjetur dhe sekuestruar në vendngjarje në cilësinë e provës materiale: Një gëzhojë model 54 me kapsollë të goditur.
“Ndaj shtetasit XH.R, janë referuar materialet hetimore në Prokurorinë e Rrethit Gjyqësor Elbasan për veprat penale “Vrasje me dashje mbetur në tentativë” dhe “Prodhimi dhe mbajtja pa leje e armëve luftarake dhe e municionit” njofton policia.
