Aktualitet

Humbja e materialeve hetimore, vazhdon “mallkimi” i Donika Prelës


               Publikuar në : 13:30 - 12/09/19 |
Al Do

Gjykata e Krimeve të Rënda njoftoi ditën e sotme se kishte rikuperuar 11 CD të cilat shërbejnë si prova filmike në gjyqin kundër Suel Çelës. Këto materiale ishin humbur nga institucionet e prokurorisë gjatë lëvizjes së dosjes nga Prokuroria e Krimeve të Rënda në Prokurorinë e Elbasanit.

Për 4 seanca, Gjykata për Krime të Rënda kërkoi DVD-të, të cilat nuk gjendeshin në fashikullin e gjykimit, për dosjen me të pandehur Marjus (Suel) Lulaj (Celën) , Enea Bekteshin dhe Kelmend Xhaferrin. Prokurori Behar Dibra tha se nuk mund të shpjegonte këtë situatë, duke shtuar se dosja ka lëvizur tri herë, në Elbasan, Prokurorinë e Përgjithshme e më pas te Krimet.

Kjo ngjarje përbën një skandal për Prokurorinë e Krimeve të Rënda të drejtuar nga Donika Prela. Në lidhje me këtë ngjarje nuk ka patur asnjë reagim as nga Krimet e Rënda, as nga Prokuroria e Përgjithshme e as nga Prokuroria e Elbasanit megjithëse të trija këto institucione kanë qenë në dijeni të faktit se kishin humbur CD-të. Prokuroritë duhet të kishin nisur një proces hetimor për të përcaktuar shkaqet e humbjes së materialeve filmike por deri tani ato kanë heshtur.

Humbja e provave hetimore mesa duket është kthyer në mallkim për prokuroren Donika Prela. Kujtojmë se gjatë drejtimit të saj, Prokuroria e Durrësit u vodh dy herë duke u dëmtuar edhe atëherë materiale filmike në zyrën e prokurorit Afrim Shehu. /Opinion.al

Pas