Bota

Humbi bashkëshortin, Mbretëresha ndjeu një boshllëk të madh


Bëhu pjesë e Grupit Zyrtar të Opinion.al
>> KËTU <<
               Publikuar në : 18:54 - 11/04/21 |
Opi Nion

Mbretëresha Elizabetë u tha fëmijëve të saj se ndjeu “një boshllëk të madh” pas vdekjes së burrit të saj, Princit Filip. Kështu ka thënë Princi Endrju, fëmija i tretë i çiftit.

Duka i Jorkut zbuloi ndjenjat e nënës së tij pasi ndoqi meshën e së dielës në Windsor Chapel me anëtarët e tjerë të familjes mbretërore.

“Mbretëresha, siç e dinë të gjithë, është një person tepër i fortë”, nënvizoi Endrju pasi kishte marrë pjesë në liturgjinë e së Dielës në kujtim të babait të tij Filip, në kishëzën e të gjithë shenjtorëve, në Kështjellën Windsor, me anëtarët e tjerë të Familjes Mbretërore. E megjithatë, në këto orë, ajo nuk e fsheh anën e saj njerëzore duke përshkruar zbrazëtinë e madhe që ndjen në jetën e saj për shkak të vdekjes së bashkëshortit, pas 73 vitesh martese që rezultoi e paprekshme përtej të gjitha krizave”, tha  Duka i Jorkut duke iu drejtuar gazetarëve.

“Por ne, familja e saj, ata që janë pranë saj, jemi mbledhur këtu për të siguruar që ajo të ndiejë mbështetjen tonë,” shtoi ai. Endrju nuk hezitoi të bënte një referencë për forcën e besimit fetar të nënës së tij, e cila me fjalët e saj përshkruante vdekjen e bashkëshortit dhe e konsideronte si mrekulli faktin që ajo ishte në gjendje të qendronte pranë tij në momentin suprem.

Varrimi i Princit Filip do të mbahet të Shtunën më 17 Prill në Kalanë Windsor. Princi Herri do të marrë pjesë, por Megan nuk do të jetë e pranishme.

Kryeministri Boris Johnon, i cili ka vendosur t’i lejojë vendin e tij një anëtari të familjes mbretërore, gjithashtu nuk do të jetë i pranishëm pasi, për shkak të rregullave anti-Covid, vetëm 30 persona do të jenë në ceremoni./Opinion.al

Pas