Kuvendi ka mbajtur këtë të enjte një minutë heshtje në nder të familjes Rushaj nga Malësia e Madhe, ku babë e birë humbën jetën pasi rrjedha e përroit mori me vete makinën ku ata udhëtonin.
Kërkesa për mbajtjen e një minute heshtjeje erdhi nga deputeti i Partisë Demokratike, Ramadan Likaj.
Kujtojmë se, Pjetër Rrushaj bashkë me të birin, Jasonin 13 vjeç u gjetën pajetë një ditë pasi rrjedha e përroit të Thatë përpiu makinën e tyre në fshatin Bogë të Malësisë së Madhe. Ndërkohë, në makinë me ta ishte edhe vajza e Pjetër Rushajt e cila arriti të shpëtojë,pasi u ndihmua nga një banor i zonës./Opinion.al
