Humb jetën papritur nënkryetari i Parlamentit gjerman Thomas Oppermann.
Nënkryetari i parlamentit Gjerman ka humbur papritur jetën.
Sipas DW, Tomas Operman, ndërroi jetë vdiq pak minuta para se të hynte në një intervistë televizive për ZDF, në moshën 66 vjeçare.
Ai ishte një prej politikanëve më të spikatur të Social Demokratëve, partia me të cilën CDU e kancelares Merkel ka formuar qeverinë aktuale.
Kolegët nga i gjithë spektri politik kanë shprehur tronditjen për lajmin.
Bashkë-drejtuesi i SPD, Norbert Valter-Borjans e quajti lajmin e vdekjes së Operman “një tronditje të fortë për të gjithë” në një postim në Tëitter.
Kancelarja Angela Merkel, tha se ajo ishte “tronditur dhe trishtuar nga vdekja e parakohshme e Tomas Operman”.
“Unë e kam vlerësuar atë për shumë vite si një partner i besueshëm dhe i drejtë në koalicionin e madh,” tha ajo në një deklaratë. “Si nënkryetar i Bundestagut gjerman, ai i bëri një shërbim të jashtëzakonshëm parlamentit tonë në kohë të trazuara.”
Operman kishte paralajmëruar dorëheqjen pasi kishte njoftuar në gusht se nuk do të kërkonte rizgjedhjen në Bundestag në votimin e vitit të ardhshëm.
“Pas 30 vitesh si delegat në parlamentin shtetëror të Saksonisë së Ulët dhe në Bundestagun Gjerman është tani koha e duhur që unë të bëj përsëri diçka ndryshe dhe të merrem projekte të reja,” tha ai në atë kohë./ Opinion.al
