Edhe këtë fundjavë, Hong Kongu ishte i përfshirë nga protestat anti-qeveritare në tërë vendin, përfshirë këtu dhe aeroportin.
Qindra aktivistë u ulën nëpër rrugët e qytetit ndërsa një grup tjetër marshuan në zonën e bizneseve. Edhe pse të dyja marshimet ishin paqësore, forca të shumta të policisë ishin në zonat përreth tyre.
Protestat në Hong Kong po zhvillohen prej dhjetë fundjavash. Ato kanë nisur në shenjë zemërimi rreth një projektligji për ekstradim ndërsa më pas janë zgjeruar në kërkim të lirive më të mëdha, duke kundërshtuar qeverisjen aktuale dhe dhunën e ushtruar ndaj tyre gjatë protestave.
Protestat e dhunshme në Hong Kong kanë sjellë krizë të madhe politike duke sfiduar qeverinë në Bejing. Kina nisi një paralajmërim të ashpër ndaj protestuesve , duke thënë se do të dështojnë në tentativat e tyre për të luajtur me zjarr.
Hong Kongu, ish-koloni britanike, është pjesë e Kinës, por gëzon disa liri unike që nuk egzistojnë në pjesën tjetër të shtetit./Opinion.al
