Rrugët e qytetit Guajakil në Ekuadorin perëndimor janë të shkreta, me disa banorë që qëndrojnë në anët e tyre dhe disa trupa të vdekurish të lënë në to.
Pandemia e koronavirusit i ka mbipopulluar spitalet në një pikë kolapsi. Nuk kanë më shtretër për të pritur pacientë të sëmurë e po kështu nuk ka mundësi për shërbime në morg, varreza dhe agjenci funerale. Duke patur asnjë mundësi, ata i kanë lënë kufomat jashtë banesave, buzë rruge, shkruan CNN. Është e paqartë se sa persona po vdesin nga Covid-19. Shumë familje thonë se të afërmit e tyre kanë patur simptoma të koronavirusit, ndërsa të tjerë thjesht e dinë që nuk mund të marrin trajtim në spitalet e mbipopulluara të Guajakilit.
“Jemi të lodhur duke telefonuar 911 dhe ata na thonë vetëm të presim se janë duke punuar për të zgjidhur këtë çështje”, kështu tregon një banor ndërsa e lëviz kamerën drejt një dritareje për të treguar një mbështjellje me qese të zezë brenda në shtëpi dhe dy ventilatorë që fryjnë në të.Trupi i një personi që mendohet se ka vdekur nga COVID-19, shtrihet i mbështjellë në qese dhe i mbuluar me kartona, jashtë një blloku pallatesh në Guajakil.
Vjen një erë e rëndë. “Është era që lëshon trupi, të cilin tashmë nuk mund ta marri askush”, tregon një banore e takuar në zonë dhe që mban maskë. “Edhe ne kemi fqinjë që janë të moshuar. Kam nënën 80 vjeçe me prombleme të frymëmarrrjes”, thotë ajo. Javën e shkuar një video e CNN tregonte si një motoçikliste braktiste trupin e pajetë në rrugë. Disa orë më pas, një grup njerëzish të veshur me veshje speciale shkonin dhe e merrnin trupat me makinë.
Të dhënat tregojnë se autoritetet në ekuador kanë mbledhur më shumë se 300 trupa në banesa dhe rrugët e qytetit që numëron rreth 2.9 milionë banorë./Opinion.al
