Kryesore

Basha kërkon rritje të testimeve: Vonesat fshehin të vërtetën


Bëhu pjesë e Grupit Zyrtar të Opinion.al
>> KËTU <<
               Publikuar në : 18:02 - 04/04/20 |
Opi Nion

Kreu i opozitës Lulzim Basha përmes një postimi në rrjetet sociale ka bërë edhe një herë thirrje për rritje të numrit të testimeve për COVID -19, si mënyra më e suksesshme në ndërprerjen e zinxhirit të transmetmit.

“Transparenca dhe informacioni mbi gjendjen reale të infektimeve janë jetike për të ofruar garanci dhe siguri për stafet mjekësore dhe për të gjithë qytetarët. Testimi është mënyra më e suksesshme që po aplikohet sot për të identifikuar të prekurit nga COVID-19 dhe për të shkëputur zinxhirin e transmetimit”, shkruan Basha.

 

Sipas kreut të opozitës, çdo vonesë jo vetëm fsheh të vërtetën, por do të na kushtojë shumë.

“Prandaj sa nuk është vonë i bëj thirrje qeverisë të shtojë urgjentisht numrin e testimeve dhe të bëjë publike gjithë kapacitetet tona laboratorike.

Sa më pak testime, aq më pak persona të identifikuar, aq më shumë të infektuar, aq më gjatë do të vazhdojë karantina dhe më shumë do të thellohet kriza ekonomike.

Koha për të vepruar është tani! Çdo ditë e humbur kushton jetë”, përfundon Basha publikimin e tij./Opinion.al

 

Pas