Po afrojnë festat e fundvitit dhe ëmbëlsira tradicionale e Krishtlindjes është Panetona. Të gjithë duam ta shijojmë në tryezën festive, por a e dini se ku e ka origjinën kjo ëmbëlsirë?! Panetone është një ëmbëlsirë italiane që lindi në Milano dhe origjina e saj daton nga shekulli i XIV.
Panetona tradicionale e Milanos ka një formë më të stërgjatur por ekziston edhe versioni i saj më i shkurtër dhe më i rrumbullakët që është përhapur më shumë në zonën e Piemontes. Ëmbëlsira njihet për strukturën e saj të butë dhe për aromën e saj karakteristike. Më poshtë ju sjellim recetën standarte, por në ditët e sotme gjithsecili mund të fusë produkte ekstra duke e bërë sa më të personalizuar në bazë të shijeve të tyre.
Përbërësit per të përgatitur një Panetone:
175 gr miell
4 kokra vezë
250 gr gjalp i shkrirë
1 kg fruta të thata të përziera si rrush, qershi, portokall, kumbull, kajsi, mollë etj.
100 gr bajame të prera në feta të holla
200 gr sheqer ngjyrë kafe (ose të bardhë)
1 lugë kanellë
½ lugë sodë buke
1 majë luge karafil pluhur
1 lugë ekstrakt vanilje
1 gotë lëng portokalli
1 gotë lëng limoni
150 ml konjak ose rum
Përgatitja:
Si fillim vendosni një tigan në një zjarr të ngadaltë dhe aty hidhni konjakun ose rumin. Më pas vendosni gjalpin, frutat e thata dhe sheqerin, lërini të ziejnë për 5 minuta. Këtë masë vendoseni në një tas të madh dhe lëreni të ftohet në temperaturë ambienti për 30 minuta.
Pasi masa të jetë ftohur hidhni në të miellin, sodën e bukës, kanellën, karafilin, lëngun e limonit, lëngun e portokallit, , vaniljen, vezët, dhe përziejini të gjithë përbërësit së bashku derisa të formohet një brumë I butë. Tashmë është koha që të merrni enën në formën e kekut dhe ta lyeni me gjalpë.
Hidheni brumin në enë dhe mbi të shtoni bajamet e prera. Futeni të piqet për 25 minuta në temperaturën 180 gradë, dhe ju bëftë mirë!
