Policia e Durrësit ka vijuar kontrollet masive në kuadër të operacionit policor të koduar “Plazhi i lirë”, përgjatë vijës bregdetare.
Mësohet se janë liruar hapësira të tjera në plazhin e Gjirit të Lalzit, që ishin zënë në mënyrë të paligjshme.
Janë hequr dhe sekuestruar 1566 komplete me çadra dhe shezlongë.
Sipas uniformave blu bëhet e ditur se janë proceduar penalisht 14 shtetas.
“Shërbimet e Stacionit të Policisë Manzë, në kuadër të plan-operacionit “Plazhi i lirë”, kanë vijuar kontrollet përgjatë gjithë vijës bregdetare, me qëllim lirimin e hapësirave publike që zihen pa lejen përkatëse nga subjektet në bregdet, duke vënë çadra dhe shezlongë.
Gjatë kontrolleve, në disa hapësira publike, në plazhin e Gjirit të Lalzit, u hoqën dhe u sekuestruan në total 1566 komplete me çadra dhe shezlongë, që ishin vënë në mënyrë të paligjshme nga 14 shtetas.
Në vijim të veprimeve, u referuan materialet në Prokurori ku nisi procedimi në gjendje të lirë për shtetasit:
- B., 28 vjeç, banues në Draç, Durrës;
- L., 47 vjeç, banues në Tiranë;
- K., 60 vjeç, banues në Shijak;
- L., 33 vjeç, banues në Hamallaj;
- M., 24 vjeç, banues në Shijak;
- K., 31 vjeç, banues në Ishëm;
- I., 57 vjeç, banues në Ishëm;
- B., 38 vjeç, banues në Tiranë;
- F., 53 vjeç, banues në Manzë;
- D., 30 vjeç, banues në Tiranë;
- C., 39 vjeç, banues në Manzë;
- L., 50 vjeç, banues në Tiranë;
- A., 47 vjeç, banues në Tiranë;
- Q., 59 vjeç, banues në Tiranë”, njofton policia.
Shërbimet e Policisë do të vijojnë kontrollet përgjatë gjithë vijës bregdetare, me qëllim lirimin e hapësirave publike, për pushuesit, dhe verifikimin e aktiviteteve që kryejnë subjektet, gjatë sezonit veror./Opinion.al
