Ambasada turke në rrugën “Vassileos Georgiou” në qendër të Athinës është sulmuar me bojë nga persona të panjohur, sikuse bën me dije Cnn grek. Konkretisht personat kanë hedhur bojë të kuqe jashtë godinës. Policia rrethoi zonën dhe deri në këto momente informohet se janë proceduar dy shtetas me origjinë kurde.
Ky veprim vjen në një moment kur raportet mes Ankarasë dhe Athinës kanë qenë tepër tendencioze, pas vendimit të Turqisë për të nxjerrë në Mesdhe anijen “Oruç Reis” e spcializuar në kërkimet nënujore për hidrokarbure.
Ndërsa Greqia e ka kundërshtuar këtë mission, Erdogan më shumë se një herë është shprehur se askush nuk mund ta pengojë Turqinë për kërkime në hapësirat e saj ujore./Opinion.al
