Kryesore

Helidon Bushati flet si drejtues i PD në Shkodër: Synojmë 7 deputetë


Bëhu pjesë e Grupit Zyrtar të Opinion.al
>> KËTU <<
               Publikuar në : 19:30 - 22/12/20 |
Doriana Çepunaj

Sekretari i përgjithshëm i PD-së, Gazmend Bardhi, prezantoi pasditen e së martës, Helidon Bushatin si drejtues politik për zgjedhjet e 25 prillit në qytetin e Shkodrës.

Gjatë fjalës së tij Bushati shprehu qartë objektivat e demokratëve për të fituar 7 deputetë në qarkun e Shkodrës në zgjedhjet e 25 prillit.

“Është një rikthim nga ana formale. Unë kam qenë vazhdimisht prezent në Shkodër. Objektivat tona janë të arritshme. Mendojmë që ato të jenë minimalja, 7 deputetë në Shkodër është minimalja që kërkon PD. Unë do të doja edhe me strukturat drejtuese të PD-së Shkodër që fushata të jetë gjithë përfshirja e forcave progresiste që nuk e shohin Edi Ramën si një person të denjë për të qeverisur. Unë i bëj ftesë do personi që e shohin si të keqen më të madhe të këtij vendi, të japin votën për PD në fitoren historike” – tha Bushati.

Ndërkohë, Gazmend Bardhi ka thënë se drejtuesi i zgjedhur i PD është modeli që do të ofrojë ndryshimin.

Ne kemi vetëm një objektiv, largimin e së keqes. Sot e nisim me drejtuesin e ri politik, modeli që do të ofrojmë do të sjellë ndryshimin për Shkodrën dhe gjithë Shqipërinë. Do të sjellim ndryshim në Shkodër. Do të kemi rezultatin më të mirë të 30 viteve në Shkodër. Pala tjetër ka zgjedhur të përfaqësohet me një njeri që nëse do të kishte drejtësi të pavarur do të duhet të ishte në burg” tha ai.

PD sot zbuloi emrat e dy drejtuesve të tjerë, në Fier Enkelejd Alibeaj dhe në Vlorë, Bujar Leskaj./Opinion.al

Pas