Kryesore

Haradinaj kryeson listën e AAK, Enver Hoxhaj në krye të PDK


Bëhu pjesë e Grupit Zyrtar të Opinion.al
>> KËTU <<
               Publikuar në : 22:29 - 16/01/21 |
Opi Nion

Partitë politike kanë dorëzuar tashmë listat e kandidatëve për deputetë për zgjedhjet e parakohshme në Kosovë.

Ndoshta pa shumë surpriza, ajo që u vu re në LDK dhe PDK është mungesa e kandidimit të kryetarëve respektivë, Isa Musfata dhe Kadri Veseli.

Ndërsa listën e LDK e kryeson Kryeministri në detyrë Hoti, mungesa e Kadri Veselit që tashmë përballet me Gjykatën e Hagës, ka bërë që nga kjo parti në krye të listës të jetë Enver Hoxhaj, njëkohësisht kandidat për Kryeminstër. Ai pasohet nga Uran Ismaili, Eliza Hoxha, Bedri Hamza, Memli Krasniqi, Evgjeni Thaçi-Dragusha, Xhavit Haliti, Bajrush Xhemaili, Blerta Deliu-Kodra dhe Abelard Tahiri.

PDK nëpërmjet një komunikate, thotë se lista e kandidatëve për deputetë të partisë së rimëkëmbjes, PDK është përfaqësimi më i mirë qytetar në këto zgjedhje.

“Me vendim të plotë të kryesisë, është votuar dhe mbështetur lista e PDK-së ku përfaqësohen të gjitha komunat e Kosovës; profesionet e shumta; moshat dhe identiteti i vërtetë i PDK-së që buron nga lufta çlirimtare.Nga 110 kandidatë, 12 prej tyre janë nën moshën 30 vjeçare dhe 41 nën moshën 40 vjeçare – që flet për freskinë dhe vendosmërinë e PDK-së për ti ofruar të rinjve dhe qytetarëve vizionin dhe ekipin më të mirë të rimëkëmbjes. Mbi 50% e kandidatëve garojnë për herë të parë në listën për deputetë. Sikurse është zotuar, PDK-ja për herë të parë përfshinë në listën e saj për deputetë personalitete të çmuara të diasporës, si dhe nga Lugina e Preshevës. Ata do të jenë zëri më përfaqësues i tyre në legjislaturën e ardhshme.

Njëkohësisht edhe AAK e kryesuar nga Ramush Haradinaj ka bërë publike listën e kandidatëve.

Është vetë Haradinaj që përmes një publikimi në Facebook, shprehet se Aleanca për Ardhmërinë e Kosovës do të përfaqësohet me një listë që përbëhet prej grupmoshave të ndryshme, duke respektuar kuotën gjinore, të rinj e të reja të cilët kanë arritur të mirëpërgatiten profesionalisht në nivelin kombëtar dhe ndërkombëtar.

“Ndër ta janë Doktorë Shkence, Specialistë të Mjekësisë, Profesorë Universitar, Juristë e Ekonomistë, Politologë e Sociologë, Arkitektë e Inxhinierë, e po ashtu përfaqësues nga Lugina e Preshevës dhe Diaspora.

Dy e treta e listës përbëhet nga kandidatë që për herë të parë sfidohen në garën zgjedhore”, shkruan Haradinaj I cili prin listën. Pas tij renditen Shemsedin Dreshaj dhe më pas Time Kadriaj dhe Bekë Berisha./Opinion.al

Pas