Aktualitet

Hapja e kufijve,Cakaj telefonon homologun e Turqisë, Italisë dhe Hungarisë


Bëhu pjesë e Grupit Zyrtar të Opinion.al
>> KËTU <<
               Publikuar në : 22:09 - 14/06/20 |
el ida

Ministri në detyrë për Evropën dhe Punët e Jashtme, Gent Cakaj ka zhvilluar një serë telefonatash me homologët e tij, duke nisur nga Ministri i Jashtëm i Turqisë, Mevlüt Çavuşoğlu, ai i Italisë, Luigi Di Maio, kreun e diplomacisë së Hungarisë, Péter Szijjártó dhe me Sekretaren e Shtetit për Çështjet Evropiane të Francës, znj. Amélie de Montchalin.

Cakaj thotë se telefonatat e zhvilluara patën në fokus luftën e përbashkët kundër pandemisë dhe bashkërendimin e qëndrimeve për hapjen graduale të kufijve dhe rifillimin e fluturimeve direkte.

Ndër të tjera, Cakaj u shprehu falenderimet në emër të shqiptarëve, për ndihmën që këto shtete kanë dhënë për Shqipërinë, si pas tërmetit të 26 nëntorit, ashtu dhe në luftën kundër COVID-19.

“Në ndërkohë zhvillova edhe telefonata me Ministrin e Jashtëm të Turqisë 🇹🇷, z. Mevlüt Çavuşoğlu, të Italisë 🇮🇹, z. Luigi Di Maio, të Hungarisë 🇭🇺, z. Péter Szijjártó dhe Sekretaren e Shtetit për Çështjet Evropiane të Francës 🇫🇷, znj. Amélie de Montchalin për të biseduar lidhur me luftën e përbashkët kundër COVID-19 dhe bashkërenduar veprimet për hapjen graduale të kufijve dhe rifillimin e fluturimeve direkte. Falënderues për mbështetjen e këtyre vendeve për procesin e rindërtimit pas tërmetit dhe luftën kundër pandemisë 🙏!.” – u shpreh Cakaj në postimin e bërë në rrjetin facebook./Opinion.al

Pas