Aktualitet

Hapja e Kapshticës dhe Kakavijës, dyndje lëvizjesh në pikat kufitare


Bëhu pjesë e Grupit Zyrtar të Opinion.al
>> KËTU <<
               Publikuar në : 14:39 - 04/07/21 |
Opi Nion

Pikat e kalimit kufitar në Kapshticës dhe Kakavijës, gjatë kësaj fundjave, kanë pasur një rritje të numrit të hyrje-daljeve drejt shtetit grek dhe anasjelltas.

Bëhet me dije se përgjatë 2 ditëve nga pika e kalimit të Kapshticës kanë hyrë dhe kanë dalë rreth 3300 shtetas te huaj dhe shqiptarë.

Ndërsa vetëm gjatë 24 orëve të fundit sipas drejtorisë vendore te kufirit dhe migracionit nga kjo pikë kanë hyrë 1247 dhe kanë dalë 814 shtetas. Ndërkohë që dyndje lëvizjesh ka pasur në orët e para të kësaj të diele edhe në Kakavijë.

Kujtojmë se autoritetet greke i dhanë fund mbylljes në pikën e kalimit kufitar të Kapshticës e Kakavijës, në datën 2 korrik, ku për shtetasit që do të përdorin këto pika kufitare me vete duhet të kenë tamponin e Covid-19 e gjithashtu të kenë plotësuar formularin online PLF. Ndërkohë, sa i përket pikës së kalimit kufitar të Qafë Thanës numri i hyrje-daljeve është shumë herë më i lartë, për shkak edhe të lëvizjeve të lira që kjo pikë ka ofruar përgjatë këtyre muajve.

Për të përballuar fluksin në të dyja pikat e kalimit të juglindjes do të punohet me kapacitet të plotë./Opinion.al

Pas