Shtetasja çeke që u hodh nga Hotel Tirana, Hana Demetrova, 52 vjeç jetonte prej disa vitesh në vendin tonë. Mësohet se çekja ishte akuzuar për mashtrim. Media çeke ka shkruar për një serë historish mashtrimi ku janë përfshirë disa persona nga Praga, por edhe Shqipëria.
Mësohet se Demetrova ka investuar në zonën e Thethit në Shqipëri duke i bindur disa të njohurit e saj që ta mbashtesnin me fonde për projektin e saj në veri të Shqipërisë.
Mediat çeke kanë pasqyruar dëshmitë e disa të njohurve të saj në shkurt të këtij viti, të cilët e kanë akuzuar për mashtrim. “Unë i dhash asaj të gjitha kursimet e mia dhe ajo vazhdonte të kërkonte edhe më shumë duke më bërë që t’i jap edhe paratë që kisha siguruar nga shitja e një shtëpie në Pragë”., – citohet Milan Hulík nga portali çek Lidovki.cz.
Hana Demetrova ishte e angazhuar gjithashtu me organizatat joqeveritare në Shqipëri duke marrë pjesë në një serë organizimesh, përfshirë edhe prezantimin e vendit tonë tek investitorët çek, raporton Albeu.com.
52 vjeçarja u hodh mesditën e sotme nga kati i gjashtët i dhomës në Hotel Tirana duke përfunduar në verandën e katit të tretë të këtij hoteli. Gruaja kishte lënë një letër ku lejonte dhurimin e organeve të saj. Në dhomë policia përpos letres gjeti edhe shishe të shumta alkooli çka lënë dyshime se mund të ketë qenë e alkoolizuar në momentin që ka vendosur ti japë fund jetës. Gjithsesi shtetësja çeke edhe pse ra nga 3 kate lartësi ka arritur të mbijetojë dhe po trajtohet në spitalin e Traumës.
