Kryesore

Hajdari: Ne mund të kërkonim shkarkimin e Metës, ka shkelur Kushtetutën


               Publikuar në : 11:13 - 12/06/19 |
geliano fataj

Ndërsa juristët janë të ndarë në qëndrimet e tyre, nëse presidenti Ilir Meta ka shkelur apo jo Kushtetutën me vendimin për anulimin e datës së zgjedhjeve, deputetja Rudina Hajdari thotë se vetë kreu i Shtetit e di që e ka shkelur Kushtetutën dhe që i ka kaluar kompetencat.Në një intervistë televizive ajo tha se në seancën e së enjtes nuk do të ketë një mocion për shkarkim, por për debat.

Rudina Hajdari ky u pyet nëse do votonte pro apo kundra shkarkimit nuk dha një përgjigje konkrete, megjithatë theksoi se grupi parlamentar që ajo drejton ka mundësinë për propozimin e shkarkimit të presidentit.

“Unë shikoj se Presidenti nuk është i fiksuar nga kjo gjë. Madje, unë shoh një taktikë politike, gati në viktimizim. ‘Dëgjoni se unë po shkarkohem se po bëj një akt për Shqipërinë dhe të tjera. Unë mendoj se duhet t’i ulim këto lloj tonesh dhe të mos bëjmë populizëm. Ne mund ta propozojmë edhe vetë shkarkimin e Metës, i kemi 35 deputetë. Çështja nuk është do të votojmë apo jo, ne do ta shohim çështjen hap pas hapi. Unë besoj se edhe vetë zoti Meta e di që ka shkelur Kushtetutën. Ai e di shumë mirë që i ka shkelur kompetencat e tij. Presidenti është në një situatë shumë të vështirë. Unë do të doja që Presidenti të kishte pasur më shumë përpjekje, thirrje konkrete, për Gjykatën Kushtetuese, reformën zgjedhore dhe datën, të cilën ka për detyrë ta caktojë”, tha Rudina Hajdari./ Opinion.al

Pas