Drejtuesi i emisionit ‘Zonë e Lirë’ Arjan Çani, lidhur me sulmin e kryeministrit Edi Rama ndaj gazetarëve ditën e mërkurë, tha se Rama nuk ka pasur asgjë të përgatitur, por e ka pasur instiktive.
Më tej Çani deklaroi se e kishte shijuar pa fund atë deklaratë dhe se për të ishte deklaratë dashurie.
“E kam parë 100 herë. Ai e kishte instiktive. Ky është një moment shumë i rrallë. Është një marrëdhënie dashurie. Kjo ndodh shumë rrallë” – tha Çani në emisionin ku të ftuar kishte vetë kryeministrin Rama.
I pyetur nga Çani se edhe pas deklaratës, gazetarët nuk e kishin bojkotuar, Rama iu përgjigj: “Si të më bojkotojë? Të bëjnë grevë urie? Unë jam ushqimi për ta. Nuk isha i nxehur. Doja tu tregoja qëndrimin tim atyre. Atyre që qëndrojnë pas tyre dhe atyre më lart” – tha Rama. /Opinion.al
